ҚР Энергетика министрлігі жер қойнауын пайдаланушылардың қарауына экспорттық кедендік баж салығына қатысты есептерді жіберді - Мыңбаев (толықтырылған нұсқа)
ҚР Энергетика министрлігі жер қойнауын пайдаланушылардың қарауына экспорттық кедендік баж салығына қатысты есептерді жіберді - Мыңбаев (толықтырылған нұсқа)
Астана. 29 ақпан. "Қазақстан Бүгін" - ҚР Энергетика және минералды ресурстар министрлігі жер қойнауын пайдаланушылардың қарауына экспорттық кедендік баж салығына қатысты есептерді жіберді. Бұл туралы бүгін ҚР Энергетика және минералды ресурстар министрі Сауат Мыңбаев журналистерге берген сұхбатында мәлім етті, деп хабарлайды агенттік тілшісі.
"Экспорттық кедендік баж салығына қатысты есептер жер қойнауын пайдаланушылардың қарауына жазбаша түрде таратылды", - деді С. Мыңбаев.
Оның айтуынша, бұл есепте Энергетика министрлігінің үкіметтің отырысында танытсрыған есебімен салыстырғанда "шамалы өзгерістер бар".
Өзгерістердің сипатына қатысты журналистер сауалына министр : "онда параметрлер өте көп, онда бәрі мемлекет ішінде біз мұнай өнімдерінің қандай баға деңгейін бағдар етіп алуға тиіс екендігімізге байланысты",- деді.
"Экспорттық кедендік баж салығын салу ұсынылған көлем әзірге өзгерген жоқ, 27 млн тонна деңгейінде қалдырылды", - деді С. Мыңбаев.
Бұдан бұрын да хабарлағанымыздай, осы жылдың 29 қаңтарында Қазақстан үкіметі 2009 жылдың 1 қаңтарынан бастап мұнайдың экспорттық баж салығын енгізу мүмкіндігін талқылады.
Үкіметтің отырысында сөз сөйлеген еліміздің энергетика және минералды ресурстар министрі Сауат Мыңбаевтың түсіндіруінше, қазір үкіметтің алдында Қазақстанның ішкі нарығын мұнай өнімдерімен қамтамасыз ету мәселелері тұр.
"Бұл мәселені шешу үшін шикі мұнай мен сұнай өнімдерінің экспорттық кедендік баж салығын енгізу қажет екені айқын. Мұндай жағдайда ішкі нарықтағы баға шикі мұнайдың экспорттық кедендік баж салығының болуына байланысты шамада төмен болмақ", - деді ол.
Бұған қоса министр "баршасы үшін бір жақты кедендік баж салығын енгізуге жасалған талпыныстар барлық жер қойнауын пайдаланушылармен ауқымды қарама-қайшылыққа алып келуі мүмкін". "Бұның бізге қажетті жоқ", - деді С. Мыңбаев.
Оның пікірінше, экспорттық кедендік баж салығын тек қана келісім-шартында салықтың тұрақтылығы жөнінде кепілдік ескерілмеген жер қойнауын пайдаланушылар үшін ғана енгізу, ал басқалары үшін жеке келіссөздер жүргізу қажет.
Энергетика министрінің мәліметінше, экспорттық кедендік баж салығы енгізілуі мүмкін жер қойнауын пайдаланушылар үшін мұнай өндіру көлемі жылына 27 млн тоннаны құрайды. "2009 жылдың 1 қаңтарына дейін бізге келіссөздер жүргізу және экспорттық кедендік баж салығын енгізу мүмкін емес келісім-шарттарының тізімін түпкілікті айқындау қажет", - деді ол.
Экспорттық кедендік баж салығын енгізумен біруақытта министр пайдалы қазбалар өндіру салығы мен ренттік салықты алып атстау мүмкіндігін қарауды ұсынады. Энергетика министрлігінің есептеуінше, мұнай бағасының бір баррелі $60 болған жағдайда экспорттық кедендік баж салығы тоннасы $3,4 , ал мұнай бағасы бір барреліне $88 болған жағдайда - тоннасына $173,8 болмақ.
Ал сонымен бірге С. Мыңбаевтың мәліметінше, бір тоннасына $173,8 экспорттық кедендік баж салығын енгізу жер қойнауын пайдаланушылардың инвестициялық бағдарламаларын 2,5 - 3 есе азайтуға алып келмек, сонымен бірге ол Қазақстанның Дүниежүзілік сауда ұйымына мүшелікке өту жөніндегі келіссөздеріне кедергі келтіруі мүмкін.
29 қаңтарда өткен үкіметтің отырысында энергетика министрінің мұнай және мұнай өнімдерінің экспорттық кедендік баж салығын енгізу жөніндегі ұсынысы тұжырымдамалық тұрғыда мақұлданды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.