ҚР Индустрия және сауда министрлігі тұрғын үй құрылысы саласын қолдауға қосымша көмек көрсетілу мүмкіндігін жоққа шығармайды
ҚР Индустрия және сауда министрлігі тұрғын үй құрылысы саласын қолдауға қосымша көмек көрсетілу мүмкіндігін жоққа шығармайды
Астана. 6 маусым. "Қазақстан Бүгін" - ҚР Индустрия және сауда министрлігі тұрғын үй құрылысы саласын қолдауға қосымша көмек көрсетілу мүмкіндігін жоққа шығармайды. Бұл туралы бүгін ҚР Индустрия және сауда министрлігінің құрылыс ісі жөніндегі комитеті төрағасының міндетін атқарушы Николай Тихонюк Астанада бірқатар құрылыс нысандарын аралаған кезде журналистерге берген сұхбатында мәлім етті, деп хабарлайды агенттік тілшісі.
"Тағы бір мүмкін қадам - мемлекеттен ипотекалық несие беріп, оны Қазақстанның ипотекалдық компаниясы арқылы, тұрғын үй құрылысы жинақ ақшасының жүйесі арқылы реттеу. Егер біз осы нарықты жандандыра алмасақ, онда ипотека мемлекеттен беріледі", - деді Н. Тихонюк.
Оның айтуынша, егер ипотекалық бағдарламаға қаржы бөлу жөніндегі шешім қабылданса, "берілетін ипотекалық несиелердің проценттік ставкалары біршама төмен болмақ".
Н. Тихонюктың айтуынша, қазір Индустрия және сауда министрлігі Астана мен Алматы қалалық әкімшіліктерінен "өтпей қалуы мүмкін деп күтілген баспана санына" қатысты мәліметті сұрап отыр.
"Бұл ұзаққа, екі аптаға жуық созылатын процедура, содан кейін біз үкіметке қандай көлемдегі қаражат керек екендігі жөнінде бағдарлық есепті береміз", -деді ол.
Н.Тихонюк осы орайда мемлекет тарапынан саланы қолдауға бірқатар шаралар қолданылғанын еске салды. Атап айтсақ, уәкілетті орган ретінде индустрия министрлігі "әкімшіліктер үшін бюджеттік бағдарламалардың паспортын толық өзгертті".
"Ендігі жерде, өңірлердегі әкімдіктер пәтерлерді салумен, тапсырыс берумен қатар оны сатып алуға да құқылы. Бұл әсіресе өңірлерге қатты әсерін тигізді. Бұл үйлердің сатылуы үшін мемлекет тарапынан жасалған тағы бір көмек", - деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.