Система Orphus

ҚР Қаржы министрлігі мен Азия Даму банкі автожол құрылысына $187 млн көлемінде несие бөлу туралы келісімге қол қойды (толықтырылған)

03.12.2009, 18:44 2063

Астана. 3 желтоқсан. Kazakhstan Today - ҚР Қаржы министрлігі мен Азия Даму банкі автожол құрылысына $187 млн көлемінде несие бөлу туралы келісімге қол қойды. Бұл туралы бүгін ҚР көлік және коммуникация министрі Ибілғазы Құсайынов бүгін мәлім етті, деп хабарлайды Kazakhstan Today.

"Бүгін ұзындығы 79 шақырымдық Тараз - Қордай тас жолы бөлігін қайта салуға $187 млн көлемінде екінші траншпен несие бөлу туралы келісімге қол қойылды ", - деді Ибілғазы Құсайынов.

"Құрылыс жұмыстары екінші техникалық санаттағы жолды төрт жолақты қозғалыспен бірінші санатқа айналдырып қайта салу бағытында жүргізіледі", - деді ол.

Өз кезегінде еліміздің қаржы министрі Болат Жәмішевтің айтуынша, "несиенің шарттары Қазақстан үшін тиімді". "$187 млн көлеміндегі несие 20 жылға бес жылдық жеңілдетілген мерзіммен LIBOR +0,2% ставкасы бойынша беріледі", - деді Б. Жәмішев.

ҚР Көлік және коммуникация министрлігінің баспасөз қызметінің ақпаратына сәйкес, "Азия Даму банкі 323 шықырым жолды қайта тартуға үш траншпен $700 млн көлемінде несие беріп отыр". "2009 жылдың 30 наурызында Қазақстан мен Азия Даму банкің арасында бірінші транш аясында $340 млн көлеміндегі несие бөлу туралы келісімге қол қойылды", - деп хабарлайды баспасөз қызметі.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны