ҚР машина жасау саласын дамытудың жаңа бағдарламасын дайындау қажет- "Самұрық" басшысы
ҚР машина жасау саласын дамытудың жаңа бағдарламасын дайындау қажет- "Самұрық" басшысы
Астана. 15 ақпан. "Қазақстан Бүгін" - "Самұрық" холдингінің басшысы Қанат Бозымбаев Қазақстан Республикасының машина жасау саласын дамытатын жаңа бағдарлама дайындауды ұсынып отыр. Бұл туралы ол бүгін "Нұр Отан" партиясының парламенттік фракциясы жанындағы экономиканы диверсификациялау кеңесінің отырысында мәлімдеді, деп хабарлайды агенттік тілшісі.
"Машина жасау саласын дамытудың жаңа бағдарламасын дайындау үшін қалыптасқан көзқарастарды өзгертуге бағытталған жүйелі жұмыстар жүргізу керек. Сондай-ақ, саладағы түйткілдерді сараптап, оны шешу жолдарындағы басым бағыттарын белгілеп, негізгі қатысушылары мен жүзеге асыру механизмдерін анықтау керек", - деп мәлімдеді К. Бозымбаев.
Ол атап өткеніндей, "мемлекеттің қолдауынсыз және мемлекет тарапынан қаржы бөлінбесе, онда саланы қазіргі ауыр жағдайдан шығару немесе ірі инвестицияларды тарту сияқты мақсаттарды орындау мүмкін емес". "Инвестор сала бойынша тиімділігі 5% құрайтын жобаларды қарастырмайды. Ал мемлекет қолайлы жағдай туғызуға талпынбайды", - деп хабарлады "Самұрық"басшысы.
Оның пікірінше, "шетелдерде қолданылатын өндіріс саясатының түрлі құралдарын қарастыру керек. Ол- республикалық қорғаныс-кәсіпорын кешендерін дамыту үшін мемлекеттік қорғаныс тапсырыстарын пайдалану, ҚР заңнамаларын ескере отырып қаржылық институттар белгілеген сыйақылардың бір бөлігін қарыздарға субсидия бөлу арқылы мемлекеттен қаржыландыру, салық және кедендік жеңілдіктер мен переференцияларын енгізу керек".
Ол атап өткеніндей, "өсіп бара жатқан бәсекелестікті ескере отырып, ДСҰ мүшелігіне кіру алдында ішкі нарықта шағын ғана көлемді алып отырған кәсіпорындарға жағдай жасалып, тіпті Қазақстанда "әділ бәсекелестік" қағидасын тікелей орындау кезінде отандық машина жасау саласы қайдайбір даму мүмкіндігінен айрылады".
Осыған орай "Самырұқ" басшысы "бір "ұлттық чемпионды" таңдап, оны қолдауға бар күш жұмсап, компанияға барлық жағдай туғызып, қолдау керек", деді.
"Менің пікірімше, бұл рольге "Қазақстан инжиниринг" ҰК " сай келеді. Ол бүгінде отандық машина жасау саласының басым бөлігі мен қорғаныс-өндіріс кешенін біріктіріп отыр", - деп мәлімдеді ол.
К. Бозымбаев мемлекеттік органдарымен бірлесе отырып "машина жасау саласына мемлекеттік кешенді қолдау шаралары жөнінде ұсыныстарды дайындап, оны үкіметке тапсырудың қажеттігін айтты.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.