ҚР Мемлекеттік қызмет істері және сыбайлас жемқорлыққа қарсы іс-қимыл агенттігініӊ Қызылорда облысы бойынша департаментініӊ басшылығы шетелдік инвесторлармен кездесті
Кездесудіӊ мақсаты - облыс көлемінде жүзеге асырылып жатқан инвестициялық жобаларды іске асыруда кездесетін түрлі әкімшілік кедергілерді және өзге де проблемалық мәселелерді талқылау, жобаны антикоррупциялық сүйемелдеу болып отыр.
Қызылорда. 30 маусым. Kazakhstan Today - Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігініӊ Қызылорда облысы бойынша департаментініӊ басшысы Абзал Мұхимов пен Сыбайлас жемқорлыққа қарсы іс-қимыл ұлттық бюросыныӊ (Сыбайлас жемқорлыққа қарсы қызметтіӊ) Қызылорда облысы бойынша департаментініӊ басшысы Иділхан Ишірбаев облыста жұмыс жасап жатқан шетелдік инвесторлармен кездесті.
Кездесудіӊ мақсаты - облыс көлемінде жүзеге асырылып жатқан инвестициялық жобаларды іске асыруда кездесетін түрлі әкімшілік кедергілерді және өзге де проблемалық мәселелерді талқылау, жобаны антикоррупциялық сүйемелдеу болып отыр.
Аталған кездесуге "Қазақинвест" АҚ облыстық филиалыныӊ директоры Б. Рамазанов және аймақтағы еӊ ірі 7 инвестициялық жобаны жүзеге асыратын 6 инвестор компания басшылары мен өкілдері қатысты. Олардыӊ қатарында, жылына 1 млн. тонна тампонажды цемент өндіретін зауыт, кальциленген сода өндіру зауыты, шыны шығару және өӊдеу зауыты, томат пастасын өндіру, "Бала-Сауысқандық" кен орнын игеру және ванадий рудаларын өӊдейтін комбинатты кеӊейту, керамикалық зауыт және газ электростанциясы секілді инвестициялық жобаларды іске асырып жатқан шетелдік инвесторлар болды.
Кездесу барысында Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігініӊ Қызылорда облысы бойынша департаментініӊ басшысы Абзал Мұхимов "Бүгінгі таӊда инвестициялық жобаларды антикоррупциялық сүйемелдеу мақсатында арнайы жедел топ құрылды және инвестициялық жобаны жүзеге асыру барысында кездескен әкімшілік кедергілер мен коррупциялық фактілер туралы кез-келген инвестор кез-келген уақытта хабарласа алады" деп инвесторлардыӊ назарына жеткізді.
Жедел топ тәулігіне 24 сағат және 7 күн бойы жұмыс жасауда және "Қазақинвест" АҚ-мен тұрақты байланыс орнатылған.
Шетелдік инвесторлармен сұхбаттасу кезінде инвесторлардыӊ алдындағы кездесуі мүмкін проблемалық мәселелер, соныӊ ішінде инженерлік-коммуникациялық инфрақұрылым жүргізуде кездесуі мүмкін проблемалар талқыланды.
Кездесу қорытындысымен индустриялық даму және өнеркәсіптегі қауіпсіздік, техникалық реттеу және метрология департаменттері басшыларыныӊ есебін тыӊдау, көші-қон қызметін толыққанды "Кәсіпкерлерге қызмет көрсету" орталығы арқылы жүргізу және әрбір жоба бойынша күнделікті үш жақты ақпарат алмасып отыру ұсынылды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.