ҚР нәтижелі қорытындыға арналған жаңа мемлекеттік жоспарлау жүйесі дайындалуда
ҚР нәтижелі қорытындыға арналған жаңа мемлекеттік жоспарлау жүйесі дайындалуда
Астана. 30 қараша. "Қазақстан Бүгін" - Қазақстан үкіметі нәтижелі қорытынды беретін жаңа мемлекеттік жоспарлау жүйесін дайындап енгізбекші, деп хабарлайды агенттік тілшісі ҚР Экономика және бюджетті жоспарлау министрлігінің баспасөз қызметіне сілтеме жасай отырып.
"Елдің стратегиялық, экономикалық және бюджеттік жоспарлауында стратегиялық міндеттерге қол жеткізу мақсатында мемлекеттік жоспарлаудың жаңа жүйесі дайындалып, енгізіледі", - деген ақпарат ЭБЖМ баспасөз хатында жазылған.
"Бюджеттік жоспарлауды жетілдіру тәжірибесі мемлекеттік шығындарды пайдаланудың тиімділігін көтеру механизмдері болып табылады ", - делінген ақпаратта.
Министрліктің пікірінше, "мемлекеттік жоспарлауда жаңа тәсілдердің қолданылуы, мемлекеттік саясатының мақсаты мен міндеттеріне сүйене отырып, бюджеттік жоспарлауды жасауға болады. Сондай-ақ, бюджеттік бағдарламалар үйлестірушілері арасында, стратегиялық міндеттер, мақсаттар, басымдықтарға сәйкес қорытынды нәтижелері ескеріліп, бюджеттік ресурстар бөлінеді".
"Мемлекеттік жоспарлаудың жаңа жүйесі, мемлекеттік органдардың бюджеттік қаржыны пайдалануды ашық жасап, қоғамның бақылауын қамтамасыз етеді", - деп санайды ЭБЖМ.
Министрлікте атап өтілгеніндей, жаңа жүйесін дайындауда, халықаралық тәжірибе және Дүниежүзілік банктің халықаралық сарапшыларымен жүргізілген жұмыстың қорытындысы пайдаланылады .
Астанада дүйсенбіде, нәтижелі қорытындыға бағытталған мемлекеттік жоспарлау жүйесі тақырыбына арналған "дөңгелек үстел" өткізіледі.
Форумның жұмысына үкімет, парламент, мемлекеттік басқару органдарының жетекшілері, халықаралық ұйымдар және қоғамдық бірлестіктердің өкілдері шақырылды.
"Дөңгелек үстелдің" жұмысында мемлекеттік жаңа жоспарлау жүйесі енгізілетін мемлекетттік органдар басшыларының баяндамасы тыңдалады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.