ҚР пайдалы қазбаларға салынатын салық экспортқа шығарылатын шикізат бағасымен байланысты болуы керек -Балжанов
ҚР пайдалы қазбаларға салынатын салық экспортқа шығарылатын шикізат бағасымен байланысты болуы керек -Балжанов
Атырау. 6 маусым. "Қазақстан Бүгін" - Қазақстанда пайдалы қазбаларға салынатын салық (ПҚСС) көлік шығындары ескеріле отырып экспортқа шығарылатын шикізат бағасына негізделіп есептелуі керек. Мұндай пікірді "ҚазМұнайГаз" барлау өндіру (МГГБӨ) АҚ бас директоры Асқар Балжанов "Қазэнерджи" қауымдастығы кеңесінің отырысы кезінде білдірді, деп хабарлайды агенттік тілшісі.
"Қазақстанда пайдалы қазбаларға салынатын салық базасы бойынша ортақ мәмілеге келіп, көлік шығындары ескеріле отырып ол экспортқа шығарылатын шикізат бағасымен байланысты болуы керек, өйткені Қазақстан сату нарығынан алыс жерде орналасқандықтан көлік тасымалының шығындары аса жоғары болып отыр", - деді А. Балжанов.
"Біздің көзқарасымыз бойынша үкіметтің жұмыс тобы ПҚСС енгізу бойынша ұстанымы тым жеңілдетілген. Ирине, біз жеңілдетілген салық әкімшілігінің енгізілуін құптаймыз, бірақ ол жер қойнауын пайдаланушыларға аса ауыр салықтарды жүктеу есебінен жасалмауы қажет деп есептейміз", - деп атап өтті ол.
"Пайдалы қазба байлықтарына салынатын салыққа байланысты кереғарлықтар бар мысалы, компанияның қолы әлі жетпеген табысына салық салуды қалай әділ деп айтуға болады және ішкі нарыққа жеткізілген салық көлеміне осы салықты қалай салуға болады", - деп жалғастырды ҚМГ БӨ басшысы.
"Ішкі нарыққа жеткізілетін мұнай бағасы экспортқа жіберілетін бағадан екі-үш есе төмен екені бәріне белгілі. ПҚСС салығын алу базасы ретінде экспорттық мұнай шығарылған жерде әлемдік нарық бағаларын қолдану ұсынылған", - деді ол.
"Роялти, кен орындарының ерекшеліктері ескеріле отырып алынып отырған болса, ПҚС ставкасында шығарылған мұнай сапасы немесе кен орнын пайдалану жағдайы, сондай-ақ ондағы инфрақұрылымдардың бары не жоғы ескерілмейді ", деп есептейді А. Балжанов. Мұндай жеңілдетілген ұстаным, түрлі компаниялар қызметіне қатысты пайдаланылатын фискалды алғышарттардың тең болмауына әкеледі", - деп есептейді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.