ҚР Президенті Н.Назарбаев ҮИИД бірқатар кәсіпорындарын іске қосты
Атап айтатын болсақ, ҚР Президенті Нұрсұлтан Назарбаев Қостанайдағы тұрғын үй құрылысы комбинатын, Көкшетаудағы қоспажем зауытын, Қарағанды облысындағы Шар крандарын және жапқыш арматураны дайындайтын зауытын, Павлодар облысында орналасқан Шарпрокат орнағын шығаратын "KSP Steel" ЖШС-і жұмысын, Ерейментаудағы жел электр станциясын, Солтүстік Қазақстан облысында орналасқан энергетикалық қазандық жабдығын шығару өндірісін іске қосты.
Алматы. 2 шілде. Kazakhstan today. Қазақстан Президенті Нұрсұлтан Назарбаев телекөпір барысында онлайн режимінде ҚР индустриалды-инновациялық даму мемлекеттік бағдарламасының екінші бесжылдығының бірқатар жобларын іске қосты, олардың ішінде - Маңғыстау облысындағы цемент зауыты, Қорғастағы құрғақ порт, Қостанай қаласында үй салу комбинаты құрылысы бар", - деді Н.Назарбаев "Қорғас - Шығыс қақпасы" АЭА-да құрғақ порты құрылысын іске қосқанда.
ҚР ИЖТМ мәліметінше, "Қорғас - Шығыс қақпасы" АЭА Еуропа және Ресей бағытында трансконтиненталдық темір жолы бағыты арқылы Қытай мен Оңтүстік-Шығыс Азиядан жүк айналымының дәстүрлі бағытындағы негізгі жоба болып табылады. 2014 жылдың соңына дейін құрғақ порт пен логистикалық аймақты іске қосу кешені нысандарын пайдалануға беру бойынша жұмыстар аяқталады деп жоспарлануда.
Сондай-ақ, Мемлекет басшысы Семейдегі "Солтүстік-Шығыс-Оңтүстік" электр желілерінің құрылысын іске қосуға "онлайн" режимінде рұқсат берді, Семей-Алматы учаскесінің бірінші тірегін орнату басталды, оның ұзындығы - 1500 км. Осы жобаның арқасында Солтүстік-Оңтүстік транзиті күшейтіліп, оңтүстік өңірдің электр энергиясына сұранысы қамтамасыз етіледі.
"Біз бүгін 20 жобаны іске қостық. Бұл аз көрсеткіш емес, бірақ Қазақстан үлкен. Экономиканы шикізаттытан индустриялды-инновациялық салаға өткізу үшін бізге білек сыбана жұмыс істеу қажет.Егер де біз 30 дамыған ел қатарына ену үшін өнімді қарқынды шығаратын кәсіпорындар қажет", - деді Елбасы.
Атап айтатын болсақ, ҚР Президенті Нұрсұлтан Назарбаев Қостанайдағы тұрғын үй құрылысы комбинатын, Көкшетаудағы қоспажем зауытын, Қарағанды облысындағы Шар крандарын және жапқыш арматураны дайындайтын зауытын, Павлодар облысында орналасқан Шарпрокат орнағын шығаратын "KSP Steel" ЖШС-і жұмысын, Ерейментаудағы жел электр станциясын, Солтүстік Қазақстан облысында орналасқан энергетикалық қазандық жабдығын шығару өндірісін іске қосты.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.