ҚР Үкіметі отырысында кәсіпкерлік қызметке арналған шарттарды түбегейлі жақсарту мәселелері талқыланды
Астана. 20 қаӊтар. Kazakhstan Today - Бүгін Үкімет үйінде ҚР Премьер-Министрі Кәрім Мәсімов ҚР Үкіметініӊ кезекті отырысын өткізді, деп хабарлайды Kazakhstan Today агенттігініӊ тілшісі.
ҚР ұлттық экономика министрі Ерболат Досаев кәсіпкерлік қызметті түбегейлі жақсарту мәселелері жөніндегі ҚР Заӊын орындау бойынша шаралар жайында баяндады, деп хабарлайды www.primeminister.kz тілшісі.
Министрдіӊ айтуынша, ү.ж. сәуіріне дейін мемлекеттік бақылаушы органдардағы тәуекелдерді бағалау жүйесін ұйымдастырудыӊ жаӊа әдістемесі әзірленіп, ол тәуекелдерді басқарудыӊ ведомстволық жүйелерін (ТБЖ) жасауға негіз болмақ.
Іс жүзінде кәсіпкерлерге қатысты 2015 жылдыӊ бірінші жарты жылдығында заӊды және жеке тұлғалардыӊ шағымдары мен хабарламалары бойынша жоспардан тыс тексеру өткізу ғана мүмкін. Екінші жарты жылдықтан бастап тексеруді жоспарлау толығымен ТБЖ негізінде және сол жасалған салаларда ғана, әлеуетті құқық бұзушыларға қатысты ғана қалыптастырылады.
Сондай-ақ, басым жобалар бойынша инвестициялық келісім жасаған инвесторлар үшін "бір терезе" принципі енгізіледі. Мемлекеттік органдар сондай-ақ "бір терезе" принципі бойынша құрылыстыӊ жобалық-сметалық құжатнамасыныӊ салалық сараптамасын алуды ұйымдастыру үшін заӊға сәйкес қажетті барлық нормативтік-құқықтық базаны әзірлеуді қарастырады.
"Адами факторды болдырмау және жемқорлық тәуекелдерді азайту үшін мемлекеттік органдардыӊ бақылау-қадағалау қызметін кезеӊ-кезеӊмен автоматтандыру қажет болады. Осыған байланысты биылғы жылы Бас прокуратурамен бірге автоматтандыру бойынша ұсыныстар әзірлеу үшін бақылаудыӊ барлық салаларын толық талдау жоспарланған", - деп атап өтті Е.Досаев.
Бұдан өзге, Ұлттық банкпен бірге тексерулерге балама ретінде кәсіпкерлік субъектілерініӊ жауапкершілігін сақтандыру мүмкіндігін қарастыратын заӊ нормаларын орындау бойынша ұсыныстар жасалады.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.