ҚР Ұлттық банк Азиадаға арналған 2000 теңгелік жаңа банкнот шығарды
ҚР ұлттық банкі айналымға 7-ші қысқы Азия ойындарына арналған Т2000 номиналдағы жаңа ақша шығарды, деп хабарлайды Kazakhstan Today агенттігінің тілшісі ресми БАҚ сілтеме жасай отырып.
Алматы. 18 - қаңтар. Kazakhstan Today - ҚР ұлттық банкі айналымға 7-ші қысқы Азия ойындарына арналған Т2000 номиналдағы жаңа ақша шығарды, деп хабарлайды Kazakhstan Today агенттігінің тілшісі ресми БАҚ сілтеме жасай отырып.
ҚазТаг ақпараттық агенттігінің хабарлауынша, Банкнот айналымға дүйсенбі күні, 17-ші қаңтарда шығарылды. Банкноттың жалпы тиражы 20 млн дана.
Ақшаның көгілдір-жасыл түсі басым және оның негізінен артқы жағы өзгерген.
"Арт жағында: басым бейнелер - көлденең. Негізгі бейне: тау сілемдерінің фонында шаңғышы және 7-ші Азия ойындарының символикасы. Төменгі сол жағында банкнот номиналын айқындайтын цифр, төменгі жағындағы ортасында - орыс тіліндегі номинал жазуы. Жоғарғы жағындағы ортасында "ҚАЗАҚСТАН ҰЛТТЫҚ БАНКІ" жазуы мен банк-эмитенттің логотипі таңбаланған. ...Банкноттың бүкіл аумағында қазақтың ұлттық оюларының нақышы қолданылған", - делінген Ұлттық банк хабарында.
Банкноттың бетіне де бірнеше элементтер қосылған.
"Ортасында "Астана-Бәйтерек" монументі бейнеленген. Банкнот ортасында қара-көкшіл және көкшіл жолақтарда ақ түспен ҚР мемлекеттік әнұранының ноталарының фрагменті белгіленген де, оған ақшыл түспен номиналдың цифрлық таңбасының сұлбасы түсірілген. "Бәйтерек" монументінің сол жағында алтын түспен ҚР мемлекеттік елтаңбасы бейнеленген. Жоғарыдағы оң жағында - ҚР мемлекеттік туы бейнеленген. Банкноттың төменгі жағында ашық алақан мен түрі өзгеріп тұратын қардың суреті бейнеленген. Төменгі сол жағында номинал мемлекеттік тілде жазылған", - делінген Ұлттық банк хабарында
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.