ҚР Ұлттық Банкініӊ төрағасы борышкерлердіӊ құқықтарын қорғау жөніндегі шаралар туралы айтып берді
Д. Ақышев атап өткендей, заӊ жобасы борышкердіӊ әлеуметтік жауапкершілігін арттыруды болжайды. "Борышкер өзініӊ кредиторымен, коллекторлық агенттікпен жеке байланыс жасауға тиіс", - деп атап өтті.
Алматы. 28 желтоқсан. Kazakhstan Today - Ағымдағы заӊ жобасында коллекторлық агенттіктіӊ борышкермен өзара іс-әрекет ету әдісініӊ нақты тізбесі айқындалған. Аталған тізбеніӊ шегінен шығатын іс-әрекеттерге тыйым салынады, ал оларды жасау әкімшілік және қылмыстық тәртіпте қатаӊ жазаланады. Бұл жөнінде ҚР Парламенті Мәжілісініӊ жалпы отырысында "Коллекторлық қызмет туралы" Заӊныӊ жобасын қарау барысында ҚР Ұлттық Банкініӊ төрағасы Д. Ақышев айтып берді.
"Коллекторларды міндетті түрде тіркеуді және Ұлттық Банк тарапынан кейіннен қадағалауды аса маӊызды деп санаймыз.Тиісінше, қарыз алушылардыӊ коллекторлардыӊ заӊсыз іс-қимылдарына арыздары Ұлттық Банктіӊ бақылауында болады", - деп атап өтті Ұлттық Банктіӊ басшысы. Оныӊ айтуынша, Ұлттық Банктіӊ қарыз алушылардыӊ өтініштеріне шұғыл ден қою үшін қажетті қаржылық және адами ресурстары бар.
Д. Ақышев қарыз алушылармен тек мінсіз беделі бар адамдарды ғана өзара іс-әрекет етуге жіберуге мүмкіндік беретін меншіктік пен басқарудыӊ айқын құрылымы коллекторлық ұйымдар адалдығыныӊ маӊызды талабы болып табылатындығын атап өтті.Ал сотқа дейінгі медиация тетігі ретіндегі коллекторлық қызметтіӊ ресми мәртебесін енгізу және реттеу коллекторлардыӊ қалыптасқан жағымсыз бейнесін өзгерте алады.
ҚРҰБ Төрағасы заӊ жобасы коллекторлық агенттік пен борышкердіӊ өзара іс-әрекеттесуініӊ толық тәртібі мен қағидаларын белгілегенін атап өтті. "Тікелей шектеулер қарастырылып отыр. Бір күн ішінде 1-ден артық жеке байланысу және 3-тен артық телефон арқылы келіссөздер жүргізуге рұқсат етілмейді, ал өзара іс-әрекеттесу уақытын борышкердіӊ өзі таӊдайды. Кез келген жеке байланыстарға мереке күндері тыйым салынады, ал демалыс күндері өзара іс-әрекеттесу жұмыс күндерімен салыстырғанда 6 сағаттан қысқа уақытқа белгіленетін болады", - деді ол.
Заӊ жобасы коллекторлық агенттіктерді борышкермен келіссөздердіӊ аудио-және бейнежазбасын жүргізуге және дербес ақпараттыӊ сақталуын қамтамасыз етуге міндеттейді.
Д. Ақышев атап өткендей, заӊ жобасы борышкердіӊ әлеуметтік жауапкершілігін арттыруды болжайды. "Борышкер өзініӊ кредиторымен, коллекторлық агенттікпен жеке байланыс жасауға тиіс", - деп атап өтті.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.