ҚР-да 2013 жылдың ақпанында инфляция 1%-ды құрады
"Республикада ағымдағы 2013 жылдың ақпан айында инфляция 1%-ды құрады. Өткен айға азық-түлік тауарларының бағасы 0,4%-ға, азық-түліктік емес - 0,2%, ақылы қызмет көрсетулер - 2,6%-ға артқан",- деп хабарланған агенттік мәлімдемесінде.
Астана. 1-наурыз. Kazakhstan Today - Ағымдағы 2013 жылдың ақпанында республикадағы инфляция 1%-ды құрады, деп хабарлайды Kazakhstan Today агенттігінің тілшісі.
Бұл туралы ҚР Статистика агенттігінің баспасөз қызметінен хабарлады.
"Республикада ағымдағы 2013 жылдың ақпан айында инфляция 1%-ды құрады. Өткен айға азық-түлік тауарларының бағасы 0,4%-ға, азық-түліктік емес - 0,2%, ақылы қызмет көрсетулер - 2,6%-ға артқан",- деп хабарланған агенттік мәлімдемесінде.
Сонымен қатар, өткен айда баға өсімі картопқа 2,9%, жаңа жиналған жемістер және көкөністерге - 1,6%, макарон өнімдеріне - 1,4%, ұн, қышқыл сүт өнімдеріне - 1,1%-дан, шайға - 0,8%, пастерленген сүтке, күнбағыс майына - 0,7%-дан, балық және теңіз өнімдеріне - 0,5%, сары майға - 0,4%, жұмыртқаға - 0,2%-ға өсуі белгіленді. Бағаның төмендеуі қарақұмық жармаға, қантқа 0,5%-дан, сиыр етіне - 0,2%-ға тіркелді.
Сондай-ақ, үйге қажетті заттарға, жуғыш және тазалағыш өнімдеріне, киім және аяқ киімге, фармацевтикалық өнімдерге, жеке күтімге арналған тауарларға, қатты отынға бағалардың артуы байқалған.
Қызмет көрсетулер саласында баға деңгейі денсаулық сақтау қызметтеріне 1,1%, шаштараздар мен жеке қызмет көрсету орындарының қызметтеріне - 0,9%, мектепке дейінгі білім беру қызметтеріне - 0,4%-ға өсті, алыс қашықтыққа қатынайтын жолаушылардың темір жол көлік қызметтеріне - 2,9%-ға төмендеді. Телефон үшін абоненттік төлем 20%-ға өсті.
Тұрғын үй-коммуналдық қызметтер саласында тарифтер суық суға 26,6%, кәрізге - 15,1%, электр энергиясына - 1,7%, орталықтан жылытуға - 0,6%, ыстық суға - 0,5%, тұрғын үйді күтіп ұстауға - 0,3%-ға өсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.