ҚР-да 20-дан астам санаттағы азаматтар арнайы мемлекеттік төлем алады - Т.Дүйсенова
Бүгінде Қазақстанда 20-дан астам санаттағы азаматтар арнайы мемлекеттік төлем алады. Бұл туралы ҚР Президенті жанындағы Орталық коммуникациялар қызметінің брифингінде ҚР Еңбек және халықты әлеуметтік қорғау министрі Тамара Дүйсенова мәлімдеді.
Алматы. 17 наурыз. Kazakhstan today. Бүгінде Қазақстанда 20-дан астам санаттағы азаматтар арнайы мемлекеттік төлем алады. Бұл туралы ҚР Президенті жанындағы Орталық коммуникациялар қызметінің брифингінде ҚР Еңбек және халықты әлеуметтік қорғау министрі Тамара Дүйсенова мәлімдеді.
"Арнайы мемлекеттік төлем алатын жекелеген санаттағы азаматтарға ерекше қауіпті жерлерде еңбек ететіндер, денсаулыққа қауіпті шарттарда жұмыс істейтін және №1, №2 тізімі бойынша арнайы мемлекеттік төлем алатын немесе соғыс ардагерлері, соғыс мүгедектері мен тыл ардагерлері жатады.Жалпы, елімізде арнайы мемлекеттік төлеме 20-дан астам санаттағы азаматтар иелік етеді", - дейді министр.
Оның айтуынша, Семей ядролық полигонындағы сынақтан зардап шеккен азаматтарға бір реттік өтемеақы көлемін арттыру да қарастырылған.
"Балалы отбасыларға, көпбалалы отбасыларға берілетін төлем көлемі мен әлеуметтік аз қамтылған отбасыларыдағы балалардың басына берілетін төлем көлемін арттыру және өмір сүру минимумы көлемі немесе жағдайға байланысты адрестік әлеуметтік көмек көлемін арттыру қарастырылған", - дейді Т.Дүйсенова.
Айта кету керек, Үкіметтің қарауында жатқан жаңа заң жобасы аясында 2014 жылдың 1 сәуірінен бастап көбейтілуі көзделген әлеуметтік пакет қарастырылған. Оған жататын азаматтар қатары: мүгедектер, асыраушысынан айырылғандар, әлеуметтік мемлекеттік төлем алатын жекелеген азаматтар.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.