ҚР-ның ішкі нарығына үзіліссіз газ жеткізу сұрақтары талқыланады - ҚР МГМ
"Газдандырудың бас схемасы жобасы тиісті мемлекеттік органдар және облыс әкімдіктерімен келісілген өңірлік газдандыру схемасы негізінде дайындалды. Алдағы уақытта тиісті мемлекеттік органдар және облыс әкімдіктер қатысуымен ведомствоаралық комиссия отырысын өткізуді жоспарлап отырмыз. Осыдан кейін біз Бас схема жобасын тиісті мемлекеттік органға қарауға жібереміз", - дейді А. Оспанов.
Алматы. 24 ақпан. Kazakhstan today. Мемлекет басшысының Қазақстан халқына Жолдауы барысында Қазақстанда ішкі нарыққа үзіліссіз газ жеткізу сұрақтары талқыланады, бұл туралы Strategy2050.kz АА берген сұхбатында ҚР МГМ Газ өндірісін дамыту департаментінің директоры Ақжол Оспанов мәлімдеді.
"Ағымдағы жылдың 27 қаңтары күні Премьер-Министрдің қатысуымен өткен Мұнай және газ министрлігінің кеңейтілген алқа отырысында Министрлікке газ саласының даму тұжырымдамасын дайындау тапсырылған болатын. Оның құрамына ішкі нарыққа үзіліссіз газ жеткізу, көліктік-газ жүйесінің кешенді дамуы, газ, мұнайды өңдеу, төменгі газ саласын дамыту енеді", - деді А. Оспанов.
Оның айтуынша, 2014 жылдың 14 ақпанында Министрдің бұйрығымен ведомствоаралық жұмыс тобы құрылған болатын. Оған қызығушылық танытқан мемлекеттік органдар мен ұлттық компаниялар қатысты.
"Қазіргі таңда министрлік тарапынан газ саласын кешенді дамытудың белсенді жұмыстары жүргізілуде. Тұжырымдама жобасында 2050 жылға дейінгі кезеңде республика өңірлері мен кен орындарында газ өндірудің ұзақмерзімді балансын сараптау мен дайындау жұмыстары қарастырылған. Газ балансы жобасы жаңа кен орнын енгізу есебінен республиканың кен орындарын игерушілердің мәліметтері негізінде құрылады", - дейді А.Оспанов.
Сонымен қатар, Үкіметтің тапсырмасымен МГМ газдандырудың бас жоспарын дайындауда.
"Газдандырудың бас схемасы жобасы тиісті мемлекеттік органдар және облыс әкімдіктерімен келісілген өңірлік газдандыру схемасы негізінде дайындалды. Алдағы уақытта тиісті мемлекеттік органдар және облыс әкімдіктер қатысуымен ведомствоаралық комиссия отырысын өткізуді жоспарлап отырмыз. Осыдан кейін біз Бас схема жобасын тиісті мемлекеттік органға қарауға жібереміз", - дейді А. Оспанов.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.