Маңғыстау облысы Бейнеу ауылында жаңа темір жол вокзалын салу жоспарланып отыр
Бүгінгі таңда вокзалдан тәулігіне 24 пойыз өтеді. Оның алтауы халықаралық бағытта қатынайды. 1986 жылы 10-15 адамға арналып салынған вокзал сыйымдылығы жағынан тарлық етіп, бүгінгі талаптарға сай келмей отыр.
Алматы. 6 ақпан. Kazakhstan Today - Маңғыстау облысы әкімі Серікбай Трұмов Бейнеу ауданына жұмыс сапары барысында бірқатар нысандарды аралап, тұрғындарды жеке қабылдады.
Аудан орталығы Бейнеу ауылында жаңа темір жол вокзалы салу уақыт талабы. Бүгінгі таңда вокзалдан тәулігіне 24 пойыз өтеді. Оның алтауы халықаралық бағытта қатынайды. 1986 жылы 10-15 адамға арналып салынған вокзал сыйымдылығы жағынан тарлық етіп, бүгінгі талаптарға сай келмей отыр. Аталған мәселелер оң шешімін табу мақсатында жаңа вокзал салу жоспарланып отыр.
Аймақ басшысы жеке кәсіпкердің қаражатына салуды жоспарлап отырған жобамен танысты.
Аудан әкімдігі жоба бойынша құзырлы органдармен жан жақты жұмыс жүргізіп, инвесторға қолдау көрсетуді тапсырды.
Қазақстан темір жолы және басқа да жауапты мекемелерден қолдау тапса, Бейнеу ауданында жаңа теміржол вокзалы бой көтермек.
Мұнан соң аймақ басшысы аудан әкімдігінде орналасқан "Ашық алаңда" аудан тұрғындарын жеке мәселелерімен қабылдады. Қабылдауда болған азаматтар кәсіпкерлік бағытта несие алу, газ тартуға көмек, ауыз су тарту және атаулы әлеуметтік көмек мәселелері бойынша сұрақтарын қойып, жауапты мамандар тарапынан жауаптар берілді.
Сонымен қатар өңір басшысы аудандағы қоғам белсенділерімен кездесіп, ұысыныстарын тыңдап, белсенділер тарапынан қойылған сұрақтарға жауап берді. Ұсыныстары қаперге алынып, жұмыстар бірге жасалатынын жеткізді. Сондай-ақ, өңір басшысы сүт зауытында болып, кәсіпорынның қазіргі хал-ахуалымен танысты.
2020 жылдың қаңтар айында өз жұмысын бастаған "Әділ сүт зауыты" ЖШС тәулігіне 1,5 тонна сүт өнімдерін шығарады.
"Ғимарат жалпы аумағы 363,70 м квадрат жерді алып отыр. Жоба құны 38 млн. теңгені құрайды, қазіргі таңда 17 адамды тұрақты жұмыспен қамтып отырмыз" - дейді жоба құрылтайшысы Садуақасов Азретхали.
Болашақта заманауи технологиялар арқылы өндірістің қуаттылығын 5 тоннаға дейін арттыру жоспарланып отыр. Сонымен қатар, қосымша шұжық, сыр және балмұздақ өндіретін цехтар салып, іске қосып, жұмысшылар санын 35 адамға дейін көбейту. Жалпы қазіргі таңда сүт, айран, қаймақ, сүзбе, шалап, шұбат және құрт өндіріп отыр.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.