Маңғыстау облысында 2020 жылы 5,2 млрд. теңгені құрайтын 5 жоба іске қосылады
Өңірде су тапшылығына байланысты жылыжай кешендерін іске қосу өнімділігі жоғары болып отыр. Осыған орай, облыс көлемінде бүгінде 27 га жылыжай болса, оларды тағы да көбейту үшін әр қала ауданнан кемінде бір га жылыжай қосу үшін жұмыстар атқарылуда.
Алматы. 30 қаңтар. Kazakhstan Today - Маңғыстау облысында 2020 жылы 5,2 млрд. теңгені құрайтын 5 жоба іске қосылады.
Бұл туралы қоғамдық коммуникация орталығында өткен брифингте Маңғыстау облысы ауыл шаруашылығы басқармасының басшысы Серік Қалдығұл Сырымұлы мәлімдеді.
"Ақтау Агро" ЖШС-ның Түпқараған ауданының 43 км аймағынан 120 адамды жұмыспен қамтитын құс фабрикасы ашылады деп жоспарлануда. Құны 4 млрд. теңгені құрайтын жобадан жылына 5 мың тонна өнім алынбақ. Бүгінгі таңда құрылыс жұмыстары аяқталып, иран, түрік, қытай елінен әкелінген құрал-жабдықтарын орналастыру жұмыстары жүргізілуде. 4 шағын зауыттан тұратын құс фабрикасына мемлекет тарапынан инфроқұрылым жасалған. Ал, аталған құс фабрикасына Мұнайлы ауданынан іске қосылатын түйіршіктелген құрама жем өндіру фабрикасы өнім дайындайтын болады. Бұдан бөлек осы жылдың ақпан айында "Маңғыстау құс" ЖШС Мұнайлы ауданында құны 5 млрд. теңгені құрайтын жұмыртқа өндіретін зауыттың құрылысын бастамақшы.
"Өңірде су тапшылығына байланысты жылыжай кешендерін іске қосу өнімділігі жоғары болып отыр. Осыған орай, облыс көлемінде бүгінде 27 га жылыжай болса, оларды тағы да көбейту үшін әр қала ауданнан кемінде бір га жылыжай қосу үшін жұмыстар атқарылуда. Мемлекет тарапынан берілетін көмекті тиімді пайдаланып, жұмыс істеймін деген азаматтар болса, сырттан келетін өнім азаяр еді", - деді Маңғыстау облысы ауыл шаруашылығы басқармасының басшысы Серік Қалдығұл.
2019 жылдың қорытындысы бойынша ауыл, орман және балық шаруашылығы секторында 20, 4 млрд. теңгенің өнімі өндіріліп, саланың нақты көлем индексінің 105,6 пайызын құрады. Бүгінгі таңда облысымызда мал шаруашылығында 1444 шаруа қожалық жұмыс істейді. 2019 жылы 37 бригада арқылы 55,0 мың тонна шөп дайындалған. 2014 жылдан бері облыс бойынша шаруа қожалықтарына 300 құдық қазылған. Бүгінде ірі-қара мал бас саны көбейіп келеді. Оған дәлел, облысқа былтыр республика қаржысынан бөлінген 6 пайызбен берілген 1 млрд. 530 млн. теңге 100 пайыз игерілген. "Сыбаға" бағдарламасы аясында мал бас санын көбейтуге 12 млн.-ға дейін қаражат берілетін болады. "Қараған Түбек" ЖШС сүтті бағытта Алматы, Шымкент облыстарынан 150 аруана түйесін әкеліп, халық игілігіне қызмет етіп жатыр. "Қарапайым заттар экономикасы" бағдарламасы аясында төрт түлік мал басын көбейту шаралары жүргізілуде.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.