Майқұдық құс фабрикасы "БЖК 2020" бағдарламасы арқылы 1,4 млрд теңге субсидия алады
Бұл шара әлеуметтік маңызы жоғары Жобаның борыштық жүгін төмендету мақсатында қолға алынып отыр. Бүгінгі таңда Қарағанды облысының ірі ауылшаруашылық кәсіпорыны 170 жуық адамды жұмыспен қамтамасыз етуде. Кәсіпорын жылына шамамен 100 млн құс жұмыртқасын өндіреді.
Астана. 12-сәуір. Kazakhstan Today - "Майқұдық құс фабрикасы" ЖШС "Бизнес жол картасы 2020" бағдарламасы бойынша ҚДБ несиесі арқылы мемлекеттік субсидия алады, деп хабарлайды Kazakhstan Today агенттігінің тілшісі.
Бұл туралы "Қазақстанның Даму банкі" АҚ баспасөз қызметі хабарлады.
BNews.kz ақпараттық агенттігінің хабарлауынша, Ауылшаруашылығы кәсіпорындарының субсидиялауға жататын жалпы несие сомасы 1,4 млрд теңгені құрады.
"Майқұдық құс фабрикасы" (Жоба) "Қазақстанның Даму банкі" АҚ (Банк немесе ҚДБ) бөлген несие бойынша 5-пайыз көлемінде сыйақы мөлшерін субсидиялауға мүмкіндік алды.
Бұл шара әлеуметтік маңызы жоғары Жобаның борыштық жүгін төмендету мақсатында қолға алынып отыр. Бүгінгі таңда Қарағанды облысының ірі ауылшаруашылық кәсіпорыны 170 жуық адамды жұмыспен қамтамасыз етуде. Кәсіпорын жылына шамамен 100 млн құс жұмыртқасын өндіреді.
Аталған мемлекеттік қолдау құралдары "Бизнестің жол картасы 2020" бағдарламасының (Бағдарлама) "Кәсіпкерлік секторын сауықтыру" бағыты бойынша қарастырылған.
Бағдараламаның шарттары бойынша, несиенің сыйақы мөлшерінің 5 пайызын үш жыл бойы Бағдарламаның операторы болып табылатын "Даму" кәсіпкерлікті дамыту қоры" өтейді. ҚДБ мен қарызгер-компания арасында арнайы келісімшартқа 2012 жылдың наурыз айында қол қойылды.
Өз жағынан Банк Жобаны Бағдарламаға енгізу мақсатында несие бойынша сыйақы мөлшерін төмендетіп, икемді төлеу кестесін бекіткен.
Жобаны шикізаттық емес салаларда жұмыс істейтін қарызгер-компанияларға қолдау көрсету мақсатында Бизнестің жол картасына енгізу шарасы Банк көмегімен іске асырылды.
"Қазақстанның Даму Банкі" АҚ 2001 жылы құрылды. Банк қызметінің басты бағыттары мемлекеттік инвестициялық қызмет тиімділігін жетілдіру және арттыру, өндірістік инфрақұрылымды және өңдеу өнеркәсібін дамыту, ел экономикасына ішкі және сыртқы инвестиция тарту болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.