Мақта өсіру шаруашылығын қолдауға несие түрінде 1 млрд теңге бөлінеді
"Қазақстандық мақташыларды қолдауға 1 млрд. теңге бөлінеді. Көктемгі дала жұмыстарын жүргізуге қаражат "ҚазАгро" Ұлттық холдингі құрылымындағы компанияның Ауыл шаруашылығын қаржылай қолдау қоры арқылы түседі", - деп хабарланған холдинг мәлімдемесінде.
Астана. 1-наурыз. Kazakhstan Today - Ағымдағы жылы мақта өсіру бойынша Ауыл шаруашылығын қаржылай қолдау қоры арқылы көктемгі дала жұмыстарына 1 млрд. теңге бөлінеді, деп хабарлайды Kazakhstan Today агенттігінің тілшісі.
Бұл туралы "ҚазАгро" ҰБХ" АҚ-ның баспасөз қызметінен хабарлады.
"Қазақстандық мақташыларды қолдауға 1 млрд. теңге бөлінеді. Көктемгі дала жұмыстарын жүргізуге қаражат "ҚазАгро" Ұлттық холдингі құрылымындағы компанияның Ауыл шаруашылығын қаржылай қолдау қоры арқылы түседі", - деп хабарланған холдинг мәлімдемесінде.
Аталған қаражат мақта өсіру бойынша көктемгі дала жұмыстарын жүргізу үшін микроқаржы ұйымдары арқылы несиелендіру іске қосылады.
Мәлімдемеде айтылғандай, 2012 жылы мұндай жұмыс несиелеу желісін ашу бойынша "Ауыл шаруашылығын қаржылай қолдау қоры" АҚ-мен келісім-шарт жасасқан "Ырыс" шағын несие ұйымы арқылы жүргізілген. Жалпы алғанда қор 349,3 млн. теңге көлемінде сегіз транш аударған болатын. Бұл қаржыға "Ырыс" ШНҰ 617 түпкі қарыз алушы шағын несие алып, кесте бойынша қарыз толығымен қайтарылды.
Шағын несиелер түпкі қарыз алушыларға жанар-жағар май, дән, пестицид, минералды тыңайтқыш, шаруашылық материалдар мен құрал-жабдықтар, ауыл шаруашылық техникасының қосалқы бөлшектері мен толымдаушылар, жұмыс механизмдерін сатып алуға, техника, қоймаларды жалға алу, қызметтерге төлеу, өнімді сақтау үшін, т.б. мақсаттарға беріледі.
Айта кету керек, қарыз алушыларға келесі талаптар қойылады: төлем қабілеттілігі, қаржылық тұрақтылық, салық және бюджетке төленетін басқа да төлемдер бойынша, екінші деңгейлі банктер мен басқа да қаржы институттары алдындағы мерзімі өткен борышкерлігінің болмауы, жағымды несиелік тарихы, т.б. Кепілдеме шағын несиенің 100 пайызын қамтуы тиіс.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.