MAN басшылығы Қазақстанда пара бергендігін мойындады
Алматы. 24-маусым. Kazakhstan Today MAN бұрынғы менеджері сотта компания Қазақстаннан турбина тасымалына тапсырыс алу үшін қомақты көлемде пара бергендігін мойындады, деп хабарлайды Kazakhstan Today агенттігі EarthTimes ақпараттық порталына сілтеме жасай отырып.
2007 жылға дейі MAN Turbo бөлімінің бастығы қызметін атқарған Хайнц Юрген М. Мюнхеннің сотында Қазақстаннан турбина тасымалына тапсырыс алу үшін қомақты көлемде пара бергендігін мойындады, деп хабарлайды EarthTimes немістің DPI АА сілтеме жасай отырып.
Бұл келісім шарт қол жеткізу үшін MAN басшылығы пара берді деген дерекке қатысты жүргізілген тергеу жұмыстары аяқталғаннан кейін жүргізіліліп отырған бірінші Сот отырысы болатын.
Хайнц Юрген газ құбырын модернизациялауға қатысты қомақты келісім шартты жасау үшін қазақ әйеліне 9 млн еуро (11 млн АҚШ доллары) көлемінде қаржы бергендігін хабарлады. Ийелдің айтуынша, бұл сома "нарыққа шығу ақысы" болып табылады.
"Егер біз бұл соманы төлеуге келісім бермесек, біз келісім шартты қолға түсіре алмас едік",- деді ол. Сондай-ақ тендерге Siemens және General Electric компаниялары да қатысқан болатын.
Хайнц Юрген айтуынша, әйел Қазақстанда "экономикалық және саяси билігі жүре алатын әулеттің" делдалы болған. MAN ақшаны бірнеше банктік есеп шоттар арқылы төлеген.
Сот төрағасы Иоахим Эккерт (Joachim Eckert), егер өткен жылы қолға түсіп, бір аптадан кейін кепілдік беріп босатылған күдікті пара беру туралы толық айғақтар берген жағдайда, екі жылдан артық емес уақытқа шартты түрде сотталуы мүмкін екендігін хабарлаған болатын.
MAN тағы бір бұрынғы басшысы жуық арада сот алдында жауап береді. Компания осы даудан кейін 220 млн еуро көлемінде айыппұл және салық қарыздарын төлеуге келісімін берген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.