Маңғыстау облысы тұрғындарының жұмысқа орналасуы менің қатаң бақылауымда - әкім
Қарақия ауданына барған Маңғыстау облысының әкімі Алик Айдарбаев ауыл тұрғындарының жұмысқа орналасуы мен өңірдегі экологиялық ахуалға қызығушылық танытты, - деп облыс әкімдігінен хабарлады.
Алматы. 21 шілде. Kazakhstan today. Қарақия ауданына барған Маңғыстау облысының әкімі Алик Айдарбаев ауыл тұрғындарының жұмысқа орналасуы мен өңірдегі экологиялық ахуалға қызығушылық танытты, - деп облыс әкімдігінен хабарлады.
Обыс әкімі алдымен атбасын Еділ суын тазартатын Жетібай кенорнына бұрды. Мұнда 2010 жылдан бастап Жетібай мен Мұнайшы ауыл халқы санының артуына және жаңа өндіріс ошақтарының ашылуына байланысты тазартылған судың жетіспеушілігі айқын сезіле бастады. Ағымдағы жылы "Маңғыстаумұнайгаз" АҚ қосымша 3 су тазарту фильтрін іске қосты. Станция тәулігіне 2300-2400 текше метр суды тазартады. Оның 1200 текше метрі Жетібай мен Мұнайшы ауылының тұрғындарына арналған. Сонымен қатар, алдағы уақытта көлемі 5000 мың текше метр болатын болаттан құйылған су қоймасынның құрылысын жүргізу жоспарлануда, делінген хабарламада.
Бұдан басқа, Алик Айдарбаев өңірдегі күрделі жөндеу жұмыстары жаңа біткен жылу қазандығының жұмысымен танысып, "Жаңарыс" ЖШС-нің жаңа өндіріс цехының ашылуына қатысты.
Сонымен қатар, аймақ басшысы Жетібай мен Мұнайшы ауылдарының тұрғындарымен кездесті. Онда халықтың жұмысқа орналасуы және өңірдің экологилық ахуалы әңгіме арқауына айналды.
"Бірінші кезекте отбасында бірде-бір мүшесі жұмыс істемейтіндер жұмыспен қамтылады. Ал, біліктілігі жоқтар арнайы курстардан өтеді. Баса айтқым келетіні өңір тұрғындарының жұмысқа орналасуы - менің басты мақсатым", - деп әкім түйіндеді.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.