Маңғыстау облысында бағаны тұрақтандыру шаралары талқыланды
Кездесудің мақсаты адал бәсекелестікті қорғау мақсатында заңнамада қандай нормаларды көздеу қажет деген мәселені қоя отырып, бизнес өкілдерімен тауар нарықтарындағы заңнамалық немесе әкімшілік деңгейде бәсекелестікті дамытуға кедергі келтіретін проблемалық мәселелерді (тосқауылдарды) талқылау болды.
Алматы. 10 шілде. Kazakhstan today. Маңғыстау облысының әкімдігінде монополияға қарсы заңнаманың нормаларын түсіндіру, облыстың монополияға қарсы инспекциясының қызметі, бизнестің жай-күйі және әлеуметтік маңызы бар азық-түлік тауарларының бағаларын тежеу бойынша жергілікті атқарушы органдар қабылдайтын шаралар мәселелері жөнінде кеңес өтті. Кеңеске Агенттік төрағасының орынбасары Т. С. Баймұханов, облыс әкімінің орынбасары Ш. Л. Ильмуханбетова, мемлекеттік органдардың басшылары, қоғамдық ұйымдар мен бизнес құрылымдардың өкілдері қатысты.
Кездесудің мақсаты адал бәсекелестікті қорғау мақсатында заңнамада қандай нормаларды көздеу қажет деген мәселені қоя отырып, бизнес өкілдерімен тауар нарықтарындағы заңнамалық немесе әкімшілік деңгейде бәсекелестікті дамытуға кедергі келтіретін проблемалық мәселелерді (тосқауылдарды) талқылау болды, деп Бәсекелестікті қорғау агенттігінен хабарлады.
Т.С. Баймұханов Агенттіктің қызметі, интеграциялық процестер шеңберінде Қазақстанның монополияға қарсы саясатын күшейту мәселелері жөнінде баяндама жасады. Сондай-ақ, ол 2014 жылдың 1-тоқсанында жүргізілген жұмыс туралы, оның ішінде мемлекеттік кәсіпорындардың қызметін ретке келтіру бойынша жүргізіліп жатқан жұмыс туралы әңгімеледі.
Өткізілген іс-шара аясында әлеуметтік маңызы бар тауарлар бағаларының жай-күйі және оларды тұрақтандыру бойынша қабылданып жатқан шаралар мен 2014 жылдың 1-жарты жылдығындағы өнеркәсіп пен бизнестің жай-күйі тыңдалды.
Өткізілген шара барысында сөз сөйлеушілерге бағалық реттеу және монополияға қарсы заңнаманың нормаларын бұзғаны үшін жауапкершілік саласында түрлі сұрақтар қойылды. Барлық қызықтырған сұрақтарға толық жауап берілді.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.