Маӊғыстау облысындағы Тұрғын үй құрылыс жинақ банкініӊ 540 салымшысы "Нұрлы жер" бағдарламасыныӊ аясында үй алады
Бұл - "Нұрлы жер" бағдарламасыныӊ талабы. Мысалы, бағасы 7 млн теӊге болатын бір бөлмелі пәтерді сатып алу үшін Тұрғын үй құрылыс жинақ банкіндегі шотқа 2 100 000 теӊге жинау қажет еді. Бұл жағдайда алғашқы үш жыл ішіндегі ай сайын төленетін сома 60 800 теӊге, ал үш жылдан кейін 56 800 теӊгені құрайды.
Ақтау. 29 қаӊтар. Kazakhstan Today - Мемлекеттік бағдарламаныӊ алғашқы 455 қатысушысы Тұрғын үй құрылыс жинақ банкімен ("Бәйтерек" холдингініӊ еншілес ұйымы) сатып алу-сату келісім-шартын бекітіп, жаӊа пәтерге көшіп кіруге дайын. Үйлер Ақтау қаласындағы "Айрақты" тұрғын үй кешенінде орналасқан. Таза әрлеудегі пәтерлердіӊ 1 шаршы метрініӊ бағасы 154 510-163 618 теӊге аралығында.
Бұл үйлерді жеӊілдетілген бағамен сатып алу үшін банк салымшыларына шотқа 30% көлеміндегі еӊ төменгі бастапқы жарна жинау немесе салу қажет болды. Бұл - "Нұрлы жер" бағдарламасыныӊ талабы. Мысалы, бағасы 7 млн теӊге болатын бір бөлмелі пәтерді сатып алу үшін Тұрғын үй құрылыс жинақ банкіндегі шотқа 2 100 000 теӊге жинау қажет еді. Бұл жағдайда алғашқы үш жыл ішіндегі ай сайын төленетін сома 60 800 теӊге, ал үш жылдан кейін 56 800 теӊгені құрайды.
- Баспаналы болғандардыӊ жартысы, дәлірек айтқанда 253 адам шоттарына қажет соманыӊ 50%-ын жинап, пәтерлерді аса тиімді шарттармен сатып ала алады. Жетпейтін соманы банк жылдық мөлшерлемесі 5% болатын заем түрінде берді. Бұл - тұрғын үй құрылыс жинақ жүйесініӊ артықшылықтарын жақсы білетін, тәртіпке үйренген, мақсатына жете білетін жандар. Тағы 202 салымшы депозиттерінде 30% көлеміндегі еӊ төменгі бастапқы жарнаны жинай алды. Олар да жеӊілдетілген талаптармен заем алды, бұл жолда көмекке "Нұрлы жер" бағдарламасы келді, - деп түсіндірді Тұрғын үй құрылыс жинақ банкі басқарма төрайымыныӊ орынбасары Құралай Илімова.
Бүгін ол Маӊғыстау облысыныӊ әкімі Ералы Тоғжановпен бірге Тұрғын үй құрылыс жинақ банкі салымшыларын жаӊа қоныстарымен құттықтады.
Пәтер кілтін алғандардыӊ арасында банк салымшысы Жанат Базарбаева да бар. Ол үш бөлмелі үйдіӊ иесі атанып отыр. Осы күнге жету үшін Жанаттыӊ отбасы бірлесіп 5 жыл бойы ақша жинаған екен. Нәтижесінде Базарбаевтардыӊ шотында 4 млн теӊгеніӊ басы құралған. Бұл сома алғашқы жарна ретінде іске жарапты, қазір банк салымшысы жұбайымен және үш оқушы ұлымен көшуге дайындалуда.
- 15 жыл бойы пәтер жалдадық, ай сайын 80 000-100 000 теӊгеден төлеп жүрдік. Осыған қарамастан мақсат қойып, өз үйімізге деп ақша жинадық. Ата-анамыз көмектесті, мемлекет сыйлықақысы мен өз сыйақысын қосып отырған банк те қолдау білдірді, өзіміз де үнемдеп, депозитке барынша көп ақша салып жүрдік. Алдына мақсат қойған адам міндетті түрде сол мақсатына жетеді. Біздіӊ отбасы - мұныӊ дәлелі, - дейді Жанат Базарбаева.
Барлығы Маӊғыстау облысында 48 925 азамат Тұрғын үй құрылыс жинақ банкінен шот ашып, қаражат жинап жатыр. Мұныӊ ішінде 14 860 келісім-шарт 2017 жылы ашылған. Өткен жылдыӊ ішінде аймақта тұратын 1000-нан астам адам Тұрғын үй құрылыс жинақ банкінен қолжетімді заем алып, баспаналы болды. 2018 жылы тек "Нұрлы жер" бағдарламасыныӊ аясында ғана 1100-дей пәтер пайдалануға беріледі деп жоспарланып отыр. Қазіргі уақытта "Айрақты" ықшам ауданындағы пәтерлерді сатып алушылар пулына қосымша іріктеу жүріп жатыр. Өтініштер 2018 жылдыӊ 1 ақпанына дейін қабылданады.
***
"Қазақстанныӊ тұрғын үй құрылыс жинақ банкі" АҚ - еліміздегі тұрғын үй құрылыс жинақ жүйесін жүзеге асыратын бірден-бір банк. Ұйым Еуропалық құрылыс жинақ кассалары федерациясына (ЕҚЖКФ) және Халықаралық тұрғын үйді қаржыландыру одағына кіреді. Тұрғын үй құрылыс жинақ банкініӊ жалғыз акционері - "Бәйтерек" Ұлттық басқарушы холдингі" АҚ.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.