Маӊғыстауда 500- ге жуық отбасы баспаналы болды
Қазақстан Ипотекалық Компаниясы Ақтау қаласыныӊ 55 жылдық мерекесі қарсаӊында кезекте тұрған 478 отбасына: 161 бір бөлмелі, 237 екі бөлмелі және 80 үш бөлмелі пәтер кілттерін табыстады.
Ақтау. 27 қыркүйек. Kazakhstan Today - "Нұрлы жер" мемлекеттік бағдарламасы аясында 500 отбасына жаӊа пәтерлер кілттері салтанатты түрде табысталды. Шараға Маӊғыстау облысыныӊ әкімі Ералы Тоғжанов, "Қазақстан Ипотекалық Компаниясы" ИҰ" АҚ Басқарма Төрағасыныӊ орынбасары Руслан Кәкім қатысты.
Қазақстан Ипотекалық Компаниясы Ақтау қаласыныӊ 55 жылдық мерекесі қарсаӊында кезекте тұрған 478 отбасына: 161 бір бөлмелі, 237 екі бөлмелі және 80 үш бөлмелі пәтер кілттерін табыстады. Жаӊадан салынған көп қабатты тұрғын үйдіӊ жалпы ауданы 26 122,4 шаршы метр. Пәтерлер таза әрлеуден өткен. Олардыӊ барлығында қажетті коммуникациялар мен газ плитасы және сантехника орнатылған.
Жаӊа тұрғын үй Елбасы Нұрсұлтан Назарбаевтыӊ "Нұрлы жер" бағдарламасыныӊ "Сатып алумен жалға беру" бағыты аясында жүзеге асып отыр.
"Нұрлы жер" бағдарламасы бойынша елімізде 1,5 миллионға жуық қолжетімді тұрғын үй салу жоспарланған. Сонымен бірге салынатын ғимараттардыӊ сапасына, экологиялық тазалығына және энергиялық тиімділігіне жоғары талап қойылуда. Осыған орай үкіметке, жергілікті атқарушы билік органдарына халықты тұрғын үймен қамтамасыз ету ісін жедел әрі тиімді жүргізу бойынша үлкен салмақ салынып, жауапкершілік жүктелді. Бүкіл еліміздегі сияқты, қазір бұл бағыттағы нақты жұмыстар Ақтау қаласында да іске асырылып жатыр.Ақтау қаласындағы жаӊа шағын аудандарды игеру, барлық инфрақұрылымымен жаӊадан үйлер тұрғызу, мұныӊ барлығы да түптеп келгенде әлеуметтіӊ әлеуетін арттыруға бағытталған жоспарлы жұмыстардыӊ нәтижесі",-деді Ералы Тоғжанов.
Ақтау қаласында "Сатып алумен жалға беру" бағыты бойынша бүгінге дейін жалпы ауданы 56 664,9 шаршы метрді құрайтын 986 пәтері пайдалануға берілді. "Қазақстан Ипотекалық Компаниясы үшін қазақстандықтардыӊ, бірінші кезекте, халықтыӊ еӊ осал топтары - көп балалы және толық емес отбасылардыӊ, мүмкіндіктері шектеулі адамдардыӊ, жетімдердіӊ тұрғын үйге қолжетімділігін арттыру басымырақ. Бұл Елбасымыздыӊ бастамасымен жүзеге асырылған біздіӊ ортақ ісіміз. Бізге жауапты миссия жүктелді және біз ортақ күш-жігерімізді біріктіре отырып, жоғары нәтижелерге қол жеткізе алатынымызды дәлелдей алдық", -деп атап өтті Руслан Кәкім.
Маӊғыстау облысы әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.