Маңғыстауда құны 403 млн. теңгені құрайтын бекіре тұқымдас балық өсіретін ферманың құрылысы басталды
ЖШС іске асыратын бұл жоба Маңғыстау облыстық әкімдігінің аймақтық үйлестіру кеңесінде қолдау тауып, "Бизнестің жол картасы - 2020" бағдарламасы аясында қаржыландырылып отыр.
Ақтау. 9-сәуір. Kazakhstan Today - Маңғыстауда құны 403 млн. теңгені құрайтын бекіре тұқымдас балық өсіретін ферманың құрылысы басталды, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, Ақтау қаласынан 18 шақырым жерде орналасқан Ақшұқыр ауылында бой көтеріп жатқан кәсіпорын "Бекіре-Аралды" деп аталады.
ЖШС іске асыратын бұл жоба Маңғыстау облыстық әкімдігінің аймақтық үйлестіру кеңесінде қолдау тауып, "Бизнестің жол картасы - 2020" бағдарламасы аясында қаржыландырылып отыр.
Сондай-ақ бүгінгі таңда "Халық банкінің" облыстағы өкілдігі мен кәсіпкер арасында келісімшартқа қол қойылды.
"Даму" кәсіпкерлікті қолдау қорының дәнекер болуымен аталмыш жоба төрт кезең бойынша іске асырылады.
Хауыз кешені ресейлік "Акваток" ғылыми өндірістік кәсіпорынының технологиялық құрылғыларымен жабдықталады. Бұған дейін Беларусь пен Ресейде балық өсіруді қолға алған "Акваток" ҒӨК бір жыл ішінде маңғыстаулық ферманы аяққа тұрғызып, жергілікті мамандарды да оқытпақ.
Аквариумда орыс, парсы бекіресі, шоқыр, шабақ пен қортпа сынды бекіре тұқымдас балықтар өсіріледі. Аквариум ұдайы биологиялық, механикалық тұрғыдан тазаланып отырады. Жыл бойы судың жылылығы 22 градус көлемінде сақталады. Ерекше күтімнің әсерінен моллюскалар ерте дамып, төрт жылдан кейін өнім бере бастайтын болады.
Ферма жылына 60 тонна бекіре тұқымдас балық етін шығарып тұрмақ.
"Бекіре-Аралды" серіктестігі басшысының орынбасары Тұрсынгүл Жақыпованың айтуынша, өнімнің бағасы сырттан келетін балықтан әлдеқайда төмен болғандықтан импорттың орынын басып, уақыт өте келе экспортқа да шығарылатын болады.
"Акваток" ҒӨК басшысының орынбасары Максим Орхиреевтің айтуынша, мұндай фермалар көбейсе броконьерліктің жолын кесуге болады.
"Аквариумда өскен балық теңізде өскен балықтан артық болмайды. Бірақ бәсекеге қабілетті өнім. Еуропа мен Ресей, Қытай елі арнайы кешенде өсірілетін балықты тұтынады",-дейді "Акваток" ҒӨК басшысының орынбасары Максим Орхиреев.
Ресми мәліметтерге сүйенсек, өлкеде былтыр 500 тоннадан астам балық ауланған. Бірақ соның өзінде өңір балықпен 12 пайызға ғана қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.