Машина жасау саласында 8 индустриялық жоба іске қосылды
"Атап айтқанда, Алматы облысындағы қорғасын-қышқылды аккумулятор батареясын шығару жобасы. Айта кету керек, Қазақстанда бұрын-соңды мұндай өнім өндірілмеген. Бұл жобаға салынған инвестиция көлемі 570 млн. теңгені құрап отыр", - делінген ведомство хабарламасында.
Астана. 13-желтоқсан. Kazakhstan Today- 2011 жылдың ІІ жартыжылдығында машина жасау секторында 19 028 млн. теңге сома инвестицияға 8 жобаны жүзеге асыру жоспарланған, деп хабарлайды Kazakhstan Today агенттігінің тілшісі.
Бұл туралы ҚР Индустрия және жаңа технологиялар министрлігі мәлім етті. ҮИИД бағдарламасының аясында ІІ жартыжылдықта 162 индустриялық жобаны іске қосу қарастырылған, оның сегізі - машина жасау саласының жобасы.
"Атап айтқанда, Алматы облысындағы қорғасын-қышқылды аккумулятор батареясын шығару жобасы. Айта кету керек, Қазақстанда бұрын-соңды мұндай өнім өндірілмеген. Бұл жобаға салынған инвестиция көлемі 570 млн. теңгені құрап отыр", - делінген ведомство хабарламасында.
"Кезекті жоба - Шығыс Қазақстандағы "Шығысмашзауыт" АҚ аумағында қолға алынып жатқан вагон жабдықтарына арналған шойын құймалары цехы. 6 391 млн. теңге инвестиция салынған бұл жоба 456 жұмыс орнын ашуға мүмкіндік беріп отыр",- делінген министрліктің хабарламасында.
Сондай-ақ Астанада жолаушылар вагонын шығаратын зауыт іске қосылды. Оған салынған инвестиция көлемі- 8,2 млрд. теңге. Және Атырау облысында "Трейлер өндірісі" жобасы жүзеге асырылды. Өндіріс көлемі 170 млн. теңгені құрайтын бұл жобаның аясында 30 жұмыс орны құрылып отыр және оның жылдың қуаты 72 бірлікті құрайтын болады. Атырауда сондай-ақ "Құрылыс жабдықтарының өндірісі" жобасы да іске асырылып отыр.
Оған қоса, Батыс Қазақстан облысында "МАЗ көлігінің негізінде арнайы автотехниканың бірлескен өндірісін ұйымдастыру" жобасы (өндіріс көлемі- 600 млн. теңге, 50 жұмыс орны), Қарағанды облысында "Мамандандырылған ұшақтар өндірісін ұйымдастыру" жобасы (өндіріс көлемі- 1,6 млрд. теңге, 125 жұмыс орны, жылдық қуаты - 35 ұшақ) мен "LAN локальдық жүйесі үшін телекоммуникациялық кабельдер өндіру" жобасы (өндіріс көлемі- 793 млн. теңге, 60 жұмыс орны, жылдың қуаты 18 мың шақырым) іске қосылды.
Қазақстанның машина жасау саласы экономиканың негізгі "тартушы күшіне", өнеркәсіптік өндірістің жаңа өсу нүктесіне айналуы керек.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.