АСТАНА. 3-қазан. Kazakhstan Today. Кеше Мәжілісте жаңа банкноттың тұсаукесері өткізілді, деп хабарлайды Kazakhstan Today тілшісі ресми БАҚ-тарға сілтеме жасап.
Алдымен баяндама жасаған Ұлттық банк төрағасы Инуар Сәйденов бұрынғы теңгені шығаруда бірдей суреттер мен өлшемдер қолдану қалыптасқандығын атап өтті. Ал теңгенің жаңа нұсқасында ұлттық нышандар мен мәдени мұралар бейнеленген. Ұлттық банк төрағасы теңгенің суреттері тігінен орналастырылған беткі жағында Қазақстан Республикасының нышандары: елтаңба, ту, әнұран нотасы және Астана-Бәйтерек монументі бедерленсе, төменгі жағындағы ашық алақанның суреті адал ниет пен ынтымақты білдіретіндігін жеткізді. Ал теңгенің сыртқы жағында табиғат ландшафтары, ұлттық ою-өрнектер және республика картасының сәулет туындылары бар кескіні көрсетілген. Жаңа теңге айналымға бір жыл бойы ендірілетін болса, келесі жылы ескі банкноттарды айналымнан шығару үдерісі жалғастырылады. Ийтсе де, ескі банкноттарды айырбастау он жыл бойы жүргізіле береді. Және саны жағынан өсіп отырған халық қажеттіліктерін қамтамасыз ету үшін қолма-қол айырбасталатын ақша массасын арттыруды қолға алған Ұлттық банк жаңа дизайнды теңгені шығаруды, оны тасымалдау мен сақтауды өз қаражаты есебінен жүзеге асырып отырғаны мәлім етілді.
Теңгенің бедеріндегі суреттерге түсінік бере кеткен Ұлттық банктің бас дизайнері Меңдібай Алин адам бейнесін салатын аппараттардың, сол сияқты ақша бетіндегі қорғаныш элементтерін оқитын мәшинелердің көбеюімен жаңа дизайнды банкнотқа деген қажеттілік туындағанын жеткізді. Қазір әлемде осындай мәшинелер мен бояуларды шығаратын төрт ірі компания бар.
Кезек депутаттарға жеткен кезде жаңа дизайнды банкнотты шығаруға ҰБ қаржысы жұмсалса, ол мемлекеттің қаржысы екендігін еске салған Амангелді Айталы оған қанша қаржы жұмсалғандығын, сонымен бірге теңгенің бетіне бұрынғы әнұран нотасын енгізу үшін 13 миллион теңге не үшін қажет болғандығын сұрады. Депутаттың пікірінше, теңгенің төменгі жағынан орын тепкен жайылған алақанның суреті қазақта жақсы ырымға жатпайды.
Депутаттың сұрағына орай Ұлттық банк төрағасы әрбір банкноттың құны 1 теңгені құрайтындығын, жалпы банкноттың 770 миллион данасы шығарылатынын жеткізді.
Мәжілісте жаңа банкноттың тұсаукесері өткізілді
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.