ПЕТРОПАВЛОВСК. 5-қыркүйек. Kazakhstan Today. Мемлекет басшысы Нұрсұлтан Назарбаев бүгін Солтүстік Қазақстан облысына жұмыс сапары барысында Тайынша қаласында биоэтанол өндіретін "Биохим" ЖШС кәсіпорнының ашылу рәсіміне қатысты, деп хабарлайды Kazakhstan Today тілшісі.
"Бұл зауыт сапасы қандай да астықты өңдеп жоғары сапалы өнім шығара алады. Еліміздің индустриалдық бағдарламасында осындай кәсіпорындар көп болуға тиіс",- деп мәлімдеді Н.Назарбаев. "Мұнай мен газдың бағасы қымбаттай түсуге байланысты әлемдік нарықта этанолға деген сұраныс өсті",- деді президент.
Қазақстан Даму банкінің баспасөз қызметінен Kazakhstan Today тілшісіне хабарлағанындай, биоэтанол өндірісіне қатысты жобаның жалпы құны 94 млн. долларды құрады, соның ішінде Қазақстан Даму банкі бөлген несие $60,9 млн., Альфа-банк несиесі - $17,5 млн., "ЦентрКредитБанкі" несиесі - $5 млн. және "Биохим" компаниясының өз қаржысы - $10,6 млн. болды.
Бұл - ТМД аясындағы осындай тұңғыш зауыт. Кешен технологиясы жергілікті ауылшаруашылығы тауар өндірушілері өсірген бидайдан жоғарыоктанды отындық қоспа - "биоэтанол" (жылына 57000 тонна), азық-түлік өнеркәсібіне арналған табиғи желімтік (жылына 19000 тонна), мал шаруашылығына арналған жемдік ашытқы (жылына 40000 тонна) сынды жоғарытехнологиялық өнім түрлерін шығаруға мүмкіндік береді. Зауыттан қосалқы өнім ретінде жылына 25600 тонна түрлі салаларда қолданылатын көмірқышқыл газы шығарылмақ. Сонымен бірге, "технологияның деңгейі мен оның икемділігі химия, мұнайхимиясы, медицина және азық-түлік өнеркәсібіне арналған басқа да түрлі өнімдер өндіруге мүмкіндік береді", дейді баспасөз қызметіндегілер.
Қазақстанда өндірілген биоэтанолды Еуроодақ елдері сатып алады деп күтілуде. Бұл елдердің заңнамасына сәйкес, жанармайға 5 проценттен кем емес мөлшерде октандық санды арттыратын биоқоспа қосылуға тиіс. Бұл өнімге ішкі сұраныс та арта түспек.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Мемлекет басшысы Солтүстік Қазақстан облысында биоэтанол өндіретін зауытты ашты
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.