Мемлекеттік -жеке меншік серіктестігінің механизмдерін жол саласында пайдаланылуы бюджетке түсетін салмақты айтарлықтай азайтады -Ахметов
Мемлекеттік -жеке меншік серіктестігінің механизмдерін жол саласында пайдаланылуы бюджетке түсетін салмақты айтарлықтай азайтады -Ахметов
Астана. 29 мамыр. "Қазақстан Бүгін" - Мемлекеттік -жеке меншік серіктестігінің механизмдерін жол саласында пайдаланылуы бюджетке түсетін салмақты айтарлықтай азайтады. Бұл туралы мемлекеттік- жеке меншік серіктестігін дамыту мәселелері жөніндегі "дөңгелек үстелінде" ҚР Көлік және коммуникация министрі Серік Ахметов мәлім етті, деп хабарлайды агенттік тілшісі.
"Концессия ретінде жолдардың құрылысы мен мемлекеттік -жеке меншік серіктестігін жол саласында пайдалануы елімізде қауіпсіз жаңа көлік жолдарының құрылысына қаржы тарту мәселесінің тиімді шешімі болып табылады. Бұл ұзақ мерзімге дейін жобаларды жүзеге асыру кезіндегі қаржылық бір реттік салмағын жеңілдетеді ", - деді С. Ахметов.
Оның пікірі бойынша, қаржыны мұндай жолмен тарату арқылы "жолдың бірнеше учаскелерінде бір уақытта жөндеу жұмыстарын жасауға, сондай-ақ бюджеттен бөлінген қаржыны басқа мақсаттарға жұмсауға мүмкіндік береді ".
Министр хабарлағанындай, оның ведомствосы жүргізген зерттеулері бойынша, Қазақстанда жыл сайын жол саласындағы жолдардың дамуын жеделдету үшін және қолданылып отырған жол магистральдерін қолдау үшін 240 млрд теңгеден кем емес қаржы бөлінуі қажет. " Жолдарды пайдаланатындардан жиналатын салық көлемі жолдарды жөндеп оны қолдауға әрең жетеді, статистикалық мәліметтер бойынша 2006 жылы жолдарды пайдаланушылардан түскен салық көлемі 31,5 млрд теңгені құрады. Сонымен бірге бюджеттен жолдарды жөндеу жұмыстарына 78 млрд теңге жұмсалып, яғни көлік жолдары саласы экономиканың басқа секторлары есебінен қаржыландырылды ", - деп хабарлады ККМ басшысы.
Министрдің айтуынша, жолдарда жиі болатын өлімі -жітім көрсеткіштерін МЖС механизмдерін қолдану арқылы елдің көлік жолдарындағы қауіпсіздігін арттыруға болады. Финляндияның тәжирибесін зерттеу кезінде анықталғанындай, бұл елде жол көлік апаттар саны мен жолдардағы өлім-жітім көрсеткіштерінің төмендеуі көлік жолдарының сапасын анықтайтын негізгі өлшем болып саналады. Финляндияда жалпы қолданылатын 75 мың жол бар болса, бізде ондай жолдардың 120 мыңы есептелген. Бірақ Финляндияның жолдарында жыл сайын 320 мың адам қаза болса, бізде жыл сайын 3 мыңнан аса адам көз жұмады ", -деп атап өтті С. Ахметов.
Ол еске салғанындай үкімет қазіргі кезде парламентке МЖС мен көлік жол саласына қатысты бірқатар заңдарға күрделі өзгертулерді қарастыратын прогрессивті заң жобасын тапсырды". "Бұз өзгертулер жол секторында концессиялық жобалардың тиімділігін көтереді және инвесторларға жаңа көлік жолдары құрылысына қаржы салуына түрткі болады", -деп есептейді ККМ басшысы.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.