Монополияға қарсы орган автокөлікті сақтандыру саласында бәсекелестікті қамтамасыз ету үшін Ұлттық Банкке нұсқама шығарды
Астана. 12 мамыр. Kazakhstan Today - ҚР ҰЭМ Табиғи монополияларды реттеу және бәсекелестікті қорғау комитеті (монополияға қарсы орган) сақтандыру қызметі саласындағы заӊнамалық актілерді мониторингілеу нәтижелері бойынша автокөлік құралдары иелерініӊ азаматтық-құқықтық жауапкершілігін сақтандыру қызметтері нарығында бәсекелестікті шектейтін нормаларды белгіледі, деп хабарлайды Kazakhstan Today агенттігініӊ тілшісі.
"Осыған байланысты монополияға қарсы орган Ұлттық Банктіӊ атына бәсекелестікті қамтамасыз етуге, ЖКО кейін көлік құралына келтірілген зиянды бағалау нарығында бәсекелестікті шектейтін АҚЖМС туралы Заӊ нормаларына қажетті өзгерістерді енгізу бөлігіне бағытталған іс-қимылдарды жасау туралы нұсқама шығарылды", - делінген хабарламада, деп хабарлайды primeminister.kz тілшісі.
Сонымен, 2016 жылғы 1 қаӊтардан бастап "Көлік құралдары иелерініӊ азаматтық-құқықтық жауапкершілігін міндетті сақтандыру туралы" ҚР Заӊына (АҚЖМС туралы Заӊ) өзгерістер күшіне енді, оған сәйкес жол-көлік оқиғасы (ЖКО) жағдайында келтірілген залалды бағалау жөніндегі функциялар сақтандыру компанияларына берілді.
Көрсетілген өзгерістер енгізілгенге дейін ЖКО кейінгі көлік құралдарыныӊ залалын бағалауды бағалаушылар - тәуелсіз сарапшылар, жеке және заӊды тұлғалар жүргізді.
АҚЖМС туралы Заӊға өзгерістер енгізгеннен кейін көлік құралына келтірілген залалды бағалауды Ұлттық Банк Басқармасыныӊ 2016 жылғы 28 қаӊтардағы қаулысымен қабылданған нормативтік құқықтық актісініӊ негізінде тікелей сақтандыру ұйымдары жүзеге асырады (көлік құралына келтірілген залал мөлшерін анықтау қағидасы).
АҚЖМС туралы Заӊныӊ қолданыстағы нормалары көлік құралдарыныӊ автоиелерініӊ сақтандыру ұйымыныӊ бағалау мөлшерімен келіспеген жағдайда ғана бағалаушы ұйымдар - заӊды тұлғалардыӊ өтініш беруін көздейтіндігін атап өткен жөн. Бағалаушы-жеке тұлғалардыӊ қызметі қолданыстағы заӊнамамен жойылды.
Осылайша, ЖКО кейін көлік құралдарына келтірілген зиянды бағалау нарығына қол жетімділіктіӊ анықталған шектеуі және бағалаушы-жеке тұлғаларға қызметті жүзеге асыру мүмкінсіздігі бәсекелестікті дамытуға шаралар қабылдау қажеттілігі туралы шешім қабылдау үшін негіз болды.
Ұлттық Банктіӊ ресми ресурсында орналастырылған мәліметтер бойынша ЖКО кейін көлік құралына келтірілген зиянды бағалау бойынша аккредиттеуді 319 тәуелсіз сарапшы алды (олардыӊ ішінде 212 - заӊды тұлға, 107- жеке тұлға).
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.