Мұнай шығару көлемінің болжанған өсуі есебімен күтілетін ҚР ЖІӨ өсуі 2013 жылы 6%-ды құрайды деп болжанған
Осылайша, Қашаған кен орнын әзірлеуді бастаумен байланысты мұнай өндірісінің көлемі, болжам бойынша, 2013 жылы 82,0 млн. тоннадан 2017 жылы 102,0 млн. тоннаға артады.
Астана. 4-наурыз. Kazakhstan Today - Қазақстанда мұнай шығару көлемінің болжанған өсуі есебімен күтілетін ЖІӨ өсуі 2013 жылы 6%-ды құрайды, деп хабарлайды Kazakhstan Today агенттігінің тілшісі.
Бұл туралы бүгін Экономика және бюджеттік жоспарлау министрі Ерболат Досаев мәлім етті.
"Алдын ала деректер бойынша 2013 жылғы қаңтардағы ЖІӨ өсу қарқыны 4%-ды құрады, ол жоспарланған жылдық деңгейден 2 пайыздық тармаққа төмен. Сонымен қатар, біздің бағалауымызша, 2013 жылы экономиканың өсуі әлдеқайда тұрақты болуы тиіс. Кейбір салалардағы төмен базаны және мұнай өндірісі көлемінің күтілетін өсуін ескере отырып, біз ағымдағы жылы ЖІӨ өсуін жоспарланған 6% деңгейде күтеміз ",- деді Е.Досаев еліміздің Парламентінде дағдарысқа қарсы әрекет ету шаралары туралы жасаған баяндамасында.
Осылайша, Қашаған кен орнын әзірлеуді бастаумен байланысты мұнай өндірісінің көлемі, болжам бойынша, 2013 жылы 82,0 млн. тоннадан 2017 жылы 102,0 млн. тоннаға артады.
Сонымен қатар, ол өсудің төмен қарқындарының негізгі себебі өңдеу өнеркәсібіндегі өндірістің 0,8%-ға қысқаруы болып табылатынын айтып өтті.
Оған қоса, қара металлургия өніміне әлемдік сұраныстың қысқаруы ағымдағы жылғы қаңтарда сала ФКИ-інің 30,3%-ға қысқаруына алып келді, тиісінше темір рудасының өндірісі 13%-ға қысқарды.
Сонымен бірге, құрылыс нақты көлем индиксі 93,1% және ауыл шаруашылық нақты көлем индиксі 98,6% нысаналы деңгейден әлдеқайда төмен болып қалыптасты. Бұл ретте аталған салалардың қысқаруы маусымдық фактормен түсіндіріледі.
Өз алдына орта мерзімді болжамдарға қатысты, Экономика министрлігінің басшысы 2013-2017 жылдары экономиканың нақты өсуі жылына 6-7,6% мөлшерінде болжамдалатынын, ол жан басына шаққанда ЖІӨ өсуін 2018 жылға қарай 20 мыңнан астам АҚШ доллары көлемінде жоспарлайтынын атап өтті.
"ЖІӨ өсуінің негізгі көзі ішкі сұраныстың кеңеюі болады, ол жылына орта есеппен 6,5% - 6,8% қарқынмен өседі, Қазақстан өніміне сыртқы сұраныстың сақталуы, сондай-ақ инвестициялардың өсуі жатады. Соған қарамастан өңдеу өнеркәсібінің озық осуі жоспарлануда. Бес жылда өңдеу өнеркәсібі 41%-ға, таукен өндіру өнеркәсібі 25%-ға артады",- деді Ерболат Досаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.