Мұнай және газ министрлігі 2014 жылдың бірінші маусымына дейін мұнай бағасын ұстап тұрады - Ұ.Қарабалин
Мұнай және газ министрлігі 2014 жылдың бірінші маусымында мұнай бағасын ұстап тұрады. Бұл туралы ҚР Президенті жанындағы Орталық коммуникациялар қызметі брифингінде мұнай және газ министрі Ұзақбай Қарабалин мәлімдеді.
Алматы. 13 ақпан. Kazakhstan today. Мұнай және газ министрлігі 2014 жылдың бірінші маусымында мұнай бағасын ұстап тұрады. Бұл туралы ҚР Президенті жанындағы Орталық коммуникациялар қызметі брифингінде мұнай және газ министрі Ұзақбай Қарабалин мәлімдеді.
"2013 жылы республикадағы мұнай өңдеу көлемі 14,3 млн тоннаға жетті. Қазақстандағы жанармай тепе-теңдігі бойынша 2,7 млн тонна өндірілді. Ішкі тұтыну көлемі шамамен 4 млн тоннаны құраса, 3 млн тоннадайы импортталған. Жыл басына дейін мұнай базаларындағы қалдық шамамен 370 мың тонна болды. Дизель отыны бойынша 4,2 млн тонна өндірілсе, 700 мың тоннасы импортталды", - деді министр.
Оның айтуынша, осындай жағдай келер жылға да жоспарланған.
"Мұнай бағасына келер болсақ, бірінші маусымда біз бағаны ұстап тұратын боламыз. Біздің зауыттарымыз толыққұқылы жұмыс істеп, нарыққа толыққанды ене алады. Аталмыш өнімдердің Қазақстаннан шетке тасымалының кез келген түріне тыйым салынған. Сол себепті барлық өнім тек қана өзімізде пайдаланылатын болады", - дейді ведомство басшысы.
"Автожанармай өнімі 2 млн 885-ді құрайды, ал тұтыну деңгейі 4 млн 168, яғни өнім көлемі тұтыну сұранысын қанағаттандыра алмай отыр. Біз жыл сайын дәстүрлі түрде шамамен 1 млн импорттаймыз, биыл бұл көрсеткішті 1 млн 69 мың етпекшіміз", - деп нақтылады.
Министрдің айтуынша, бұл жағдай дизель отынына да қатысты.
"4 млн 946 тұтыну көрсеткішінде республикадағы өндіріс 4 млн 194 болады. Сол себепті юіз 600-650 мың тоннаны шеттен сатып аламыз. Негізінен экспорттаушы ел Ресей болып табылады", - дейді Қарабалин.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.