Н.Назарбаев "Қорғас - Шығыс қақпасы" жобасын бастауға рұқсат берді
"Қорғас- Шығыс қақпасы" АЭА Еуропа, Ресей, Орта Азия елдері мен Кавказ елдеріне трансконтиненталдық темір жолы бағыты арқылы Қытай мен Оңтүстік-шығыс Азиядан жүу айналымының дәстүрлі бағытындағы негізгі жоба болып табылады.
Алматы. 2 шілде. Kazakhstan today. Бүгін ҚР Президенті Н.Назарбаев "Қорғас Шығыс қақпасы" АЭА құрлық порты құрылысын бастауға рұқсат берді.
"Қорғас- Шығыс қақпасы" АЭА Еуропа, Ресей, Орта Азия елдері мен Кавказ елдеріне трансконтиненталдық темір жолы бағыты арқылы Қытай мен Оңтүстік-шығыс Азиядан жүу айналымының дәстүрлі бағытындағы негізгі жоба болып табылады. Биылғы жылдың соңына дейін құрлық порты мен логистикалық аймақ кешенінің 1 нысаны пайдалануға беру жұмыстары аяқталмақшы. Қазірдің өзінде "Hewlett Packard", "Toyota", "DHL" секілді өзге де көптеген әлемдік компаниялар Еуразиялық континент нарығына шығу үшін АЭА аумағында дистрибуция орталығын құруға қызығушылық танытып отыр. Біз осыны бастауға рұқсат беруіңізді күтіп отырмыз", - дейді DP World басқарушы директоры Анил Синх.
"Бұл өте маңызды нысан және біз оның іске қосылуын күтіп жүрміз. Себебі, шығыстан тынық мұхиты аймағынан контейнерлермен жүк Қазақстан мен Еуропаға қарай жіберіле бастағанда бұл жоба тасымал ұзақтығын қысқартуға мүмкіндік береді. Сол себепті бұл Қазақстан логистикасының ең маңызды пункті деп ойлаймыз", - деді ҚР Президенті Н.Назарбаев.
"Қорғас" АЭА Қытайдан Оңтүстік-Шығыс Азияға жіберілетін жүк тасымалы дәстүрлі бағыттарын Еуропа және Ресейге қарай трансконтиненттік темір жол бағыттары арқылы қайта бағдарлауға арналған негізгі жоба болып табылады. Оның негізгі құрамдас бөліктері: сауда-көрме кешендері желілері мен келіссөз жүргізу алаңы, құрғақ порт, логистикалық аймақ (терминалдар желілері), өнеркәсіптік кәсіпорындары кешені ретіндегі индустриялық аймақ.
ИЖТМ баспасөз қызметі таратқан ақпарттарға сәйкес, жыл соңына дейін құрғақ порттың іске қосу кешені мен логистикалық аймақ нысандарын қолданысқа беру бойынша жұмыстар аяқталмақ.
Құрғақ портта бірқатар мультимодальдік және көліктік инфрақұрылым қамтамасыз етілмек.
Бүгінгі күні "Қорғас" АЭА кешенді дамыту және құру" жобасының техника-экономикалық негіздемесін даярлау жұмыстары аяқталған.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.