Н.Назарбаев: Логистика индустрияландыру бағдарламасының негізіне айналуы керек
"Логистика бойынша жұмысқа басымдық берілуі тиіс деп есептеймін. Біз Батыс Еуропа - Батыс Қытай магистралін салып жатырмыз. 2015 жылға қарай оны аяқтаймыз. Үш құрғақ жүк терминалы салынып жатыр", - деді Қазақстан Президенті.
Алматы. 2 шілде. Kazakhstan today. Логистика индустрияландыру бағдарламасының негізі болуы керек,деп мәлімдеді бүгін Мемлекет басшысы. Оның айтуынша, ұлан-ғайыр Қазақстанда көлік пен тасымал жолға қойылмаса, экономикалық даму да болмақ емес.
"Логистика бойынша жұмысқа басымдық берілуі тиіс деп есептеймін. Біз Батыс Еуропа - Батыс Қытай магистралін салып жатырмыз. 2015 жылға қарай оны аяқтаймыз. Үш құрғақ жүк терминалы салынып жатыр", - деді Қазақстан Президенті.
Сондай-ақ, ол автомобиль жолдарының маңызы зор екендігін де айта келіп, Бурабай-Астана жолын мысалға келтірді.
"Астана - Бурабай жолында батыспен салыстырғанда төлем өте аз. Бүгінде миллиард жиналды, бұл жолдардың сақталуын бюджетсіз толық қамтамасыз етуге жеткілікті. Біз Павлодарға жол салып жатырмыз, келесі жылы Теміртау - Қарағанды жолын салып бітіреміз. Бұл жұмысты жалғастырамыз", - деді Мемлекет басшысы.
Оның айтуынша, еліміз үшін логистиканы дамытудың маңызы зор.
"Біздің кең байтақ Қазақстанымызды көліктік инфрақұрылымсыз дамыту мүмкін емес. Бұл ретте көлік атаулының ішінде темір жол шаруашылығына басымдық берілетіні сөзсіз. Осы себептен де біз ғасырлық маңызы зор жобалар "Жезқазған - Бейнеу" мен Маңғыстау облысында "Түркіменстан - Иран" темір жол желілерін жақын болашақта тәмемдайтын боламыз. Осы телімдер арқылы біз Парсы шығанағына шығуды жоспарлап отырмыз", - деді Президент.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.