Нұр-Сұлтан қаласында "Украина - Қазақстан, Орталық Азия" бизнес-форумы өтті
Жалпы, 2005-2019 ж. 1 тоқсаны Украиналық кәсіпкерлердің Қазақстанға 156,6 миллион долларды көлемінде тікелей инвестициялар салды. Сонымен бірге, осы мерзім ішінде қазақстандық бизнестің Украинадағы инвестициялар көлемі 490,5 миллион долларды құрады.
Нұр-Сұлтан. 6 қыркүйек. Kazakhstan Today - Ағымдағы жылдың 5 қыркүйекте Нұр-Сұлтан қаласында "Украина - Қазақстан, Орталық Азия" қазақстан- украин бизнес-форумы өтті.
Форумды Украинаның Қазақстан Республикасындағы Елшілігі, Қазақстанның Украинадағы елшілігі, "KAZAKH INVEST" ҰК"АҚ, Украина Сауда-өнеркәсіп палатасы және ""ЗЕД" Экспорттаушылар мен импорттаушылар қауымдастығы"ЖШҚ ұйымдастырды.
Іс-шараға бизнес, Қазақстан мен Украинаның аймақтық мемлекеттік органдары, бизнес-қауымдастық өкілдері, инвестициялық компаниялар, қаржы институттары, несиелік ұйымдар және БАҚ өкілдері қатысты.
Форум аясында, Украинаның Қазақстан Республикасындағы Елшісі, Қазақстан Республикасының Украинадағы Елшілігінің, сондай-ақ Қазақстан Республикасы Сыртқы істер,ауылшаруашылық және энергетика министрлігінің, "KAZAKH INVEST" ҰК"АҚ, Украина және Қазақстан СӨП,"Украина-Азия"Сауда үйінің өкілдері баяндама жасады.
"KAZAKH INVEST" ҰК" АҚ өкілі Диана Аблякимова атап айтқандай, бұл іс-шара барысында инвестициялық, сауда-экономикалық салалардағы өзара тиімді ынтымақтастықты одан әрі тереңдетуге және дамытуға үлкен көңіл бөлінді.
"Қазақстан үшін Украина маңызды стратегиялық серіктестердің бірі болып табылады. Біз инвестициялар саласындағы қазақстан-украин ынтымақтастығының әлеуетін одан әрі арттыруға ұмтыламыз. Ол үшін бізде барлық қажетті тетіктер бар. Бүгінгі таңда Қазақстан инвестициялық әлеуетті жоғары деңгейде және Орталық Азиядағы тікелей инвестиция тарту бойынша көшбасшы болып табылады", - деді Диана Аблякимова іс-шара барысында.
Өз кезегінде Украинаның Қазақстандағы Елшісі Иван Кулеба бизнесті Қазақстан мен Украина арасындағы экономикалық ынтымақтастық процесіне тарту қажеттігін атап өтті.
"Бұл әрекеттер екі ел арасындағы экономикалық ынтымақтастық процесін күшейтеді. Украиналық бизнес Қазақстан үкіметінің реформаларын толық қолдайды. Бүгінгі таңда Қазақстанда инвестиция тарту үшін ең қолайлы жағдайлар жасалды. Елде қол жетімді жеңілдіктер пакеті украиндық бизнес үшін, оның ішінде қазақстандық серіктестермен бірлескен кәсіпорындар құру үшін қызықты. Украиналық компаниялар осы бағыттағы қазақстандық бизнестің серіктесі бола алады", - деп толықтырды Украинаның Қазақстандағы елшісі Иван Кулеба.
Форумның мақсаты - Қазақстан мен Украина арасындағы сауданы ұлғайту, Украинадан Қазақстанға және басқа да Азия елдеріне және қарама-қарсы бағытта тауарларды жеткізу үшін көліктік-логистикалық инфрақұрылымды оңтайландыру, прогрессивті технологияларды, IT жобаларды, инновацияларды және инвестицияларды тарту, Қазақстан мен Украинаның бизнес өкілдері үшін өзара тиімді келісімдер жасасу, сонымен қатар проблемалық мәселелерді талдау.
Сондай-ақ, шара барысында "Өнеркәсіптік тауарлар мен технологиялар", "Ауыл шаруашылығы, тамақ өнімдері", "IT технологиялары, инновациялар және қызметтер" салалық секциялары өткізілді.
Анықтама:Украинадан Қазақстанға ТШИ ағыны 2005 жылғы 0,8 миллион доллардан 2018 жылы 53,4 миллион долларға дейін өсті. (2019 жылдың 1 тоқсанына - 14,2 млн. АҚШ доллары) Жалпы, 2005-2019 ж. 1 тоқсаны Украиналық кәсіпкерлердің Қазақстанға 156,6 миллион долларды көлемінде тікелей инвестициялар салды. Сонымен бірге, осы мерзім ішінде қазақстандық бизнестің Украинадағы инвестициялар көлемі 490,5 миллион долларды құрады. Бүгінгі таңда Қазақстанда Украинаның қатысуымен 1559 компания тіркелген, олардың 898-і белсенді жұмыс істейді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.