АЛМАТЫ. 14 - маусым. Kazakhstan Today. "Нұрбанк" жарғылық капиталын 95,2 млн АҚШ долларына өсіреді. Бұл туралы Kazakhstan Today агенттігінің тілшісіне банктің баспасөз қызметінен хабарлады.
Баспасөз қызметінің түсіндіруінше, бүгінгі күнде банктің жарғылық капиталы 8,6 млрд теңгеге (70,6 млн АҚШ долларын) өскен, ал келесі аптада оны тағы 3 млрд теңгеге (24,6 млн АҚШ долларына) өсіру жоспарлануда. Сөйтіп, жарғылық капитал барлығы 11,6 млрд теңгеге (95,2 млн АҚШ долларына) өседі.
2007 жылдың 1-мамырында "Нұрбанк" АҚ жиынтық жеке капиталы 25,8 млрд теңгеге (211,8 млн АҚШ долларына), соның ішінде жарғылық капиталы - 15,4 млрд теңгеге (126,4 млн АҚШ долларына) жеткен.
2006 жылдағы "Нұрбанк" АҚ таза табысы 2,06 млрд теңгені (16,9 млн АҚШ долларын) құраған, ал үстіміздегі жылдың үш айында банк 1,2 млрд теңге (9,8 млн АҚШ долларын) көлемінде таза табыс тапқан, оны банк акционерлері бизнесті одан әрі дамытуға жұмсамақ.
Бұрын хабарлағанымыздай, 2007 жылдың 12-маусымында Қазақстан Республикасының қаржы нарығы мен қаржылық ұйымдарды реттеу және қадағалау Агенттігі өзінің №160 қаулысымен "Нұрбанктің" ірі қатысушысы мәртебесін Дариға Назарбаева мен Нұрәли Илиевтің бірлесе алуына келісім берген.
"Осының бәрі банктің қалыпты тәртіппен жұмыс істеп қана қоймай, ойдағыдай және жоспарлы дамуды мұрат тұтқанының дәлелі",- деп атап көрсетті Нұрәли Илиев. "Банктің қаржылық қауқарсыздығы туралы таралған барлық жағымсыз дақпырттардың еш негізі жоқ. Қазір банкте Қаржы нарығы мен қаржылық ұйымдарды реттеу және қадағалау агенттігіның тексеруі жүріп жатыр. Олардың есебіне сәйкес "Нұрбанк" АҚ барлық пруденциялық және басқа да нормативтерді толық сақтайды, және де бақылаушы органдар ешқандай заң бұзушылықтарды анықтамады",- деп мәлім етті ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Нұрбанк" жарғылық капиталын 95,2 млн АҚШ долларына өсіреді
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.