ОҚО: Кентау қаласында 8,3 млрд. теӊге көлемінде инвестиция тартылады
Өткен жылы өӊірде өнеркәсіп саласында 28,1 млрд.теӊгеніӊ өнімі өндіріліп, нақты көлем индексі 107,2 пайызды құраған.
Шымкент. 28 сәуір. KazakhstanToday - Кентау қаласыныӊ экономикасына өткен жылы 6,5 млрд.теӊге көлемінде инвестиция тартылса, биыл ол межені 8,3 млрд. теӊгеге жеткізу көзделіп отыр. Оныӊ ішінде бюджет қаражаты есебінен - 6 млрд. теӊге және жеке қаржылар есебінен - 2,3 млрд. теӊге болмақ. Бүгін бұл туралы ОҚО өӊірлік коммуникациялар қызметінде өткен брифингте Кентау қаласыныӊ әкімі Ибдібақыт Мақұлбаев мәлім етті.
Өткен жылы өӊірде өнеркәсіп саласында 28,1 млрд.теӊгеніӊ өнімі өндіріліп, нақты көлем индексі 107,2 пайызды құраған.
"Индустриалды аймақта 2 млрд. теӊгеге 8 жобаны іске асыру жоспарланған. Бүгінде 2 жоба толық іске қосылып, 798 млн. теӊгеніӊ өнімі өндірілді. Қосымша 2 жобаныӊ құрылыс жұмыстары толығымен аяқталып, жыл соӊына дейін іске қосылады. Қалған 1 жобаныӊ құжаттары сараптамадан өтіп, ағымдағы жылдыӊ І тоқсанында құрылыс жұмыстары басталады. Нәтижесінде 50-ге жуық жаӊа жұмыс орындары құрылады", - деді Ибдібақыт Тілләбайұлы.
Қалған 3 жоба бойынша өӊірлік үйлестіру кеӊесіне құжаттарды тапсыру, келісу және рәсімдеу жұмыстары жүргізілуде. Сондай-ақ, 3 компания полиметалл және барит рудаларын қайта өӊдеу, өӊдіру жұмыстарын іске асыратын болады.
Сонымен қатар, "ҚР индустриалдық-инновациялық дамытудыӊ 2015-2019 жылдарға арналған" мемлекеттік бағдарламасы аясында бүгінде аймақта жалпы құны 4,4 млрд.теӊге құрайтын 5 жоба толық қуаттылыққа шығып, 5,4 млрд. теӊгеніӊ өнімі өндірілген.
Бұдан өзге, Кентау қаласында қазіргі таӊда жұмыс істеп тұрған шағын орта кәсіпкерлік субъектілерініӊ саны - 2953. Бұл өткен жылмен салыстырғанда 6,8 пайызға өскендігін көрсетеді.
"Аталған салада өндірілген өнім көлемі 18,9 млрд. теӊгеге жетіп, 7,6 пайызға көбейген. Алдағы уақытта шағын және орта бизнес саласында 136 жобаға 422 млн. теӊге көлемінде несие беру жоспарланып отыр. Жалпы осы бағытта 700-ге жуық тұрақты жұмыс орны ашылатын болады", - деді Ибдібақыт Мақұлбаев. Айта кетерлігі, өӊірде өткен жылы мемлекеттік бағдарламаларды жүзеге асыру мақсатында қаржы институттары арқылы 259 млн.теӊгеге 95 жоба қаржыландырылып, нәтижесінде 150-ге жуық азамат жұмыспен қамтылды.
ОҚО әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.