Өӊірлер жобаларды қаржыландыру бойынша бар мүмкіндіктерін пайдаланбайды - Бишімбаев
Өӊірлер МЖИ шеӊберінде инвестицияларды тарту жұмысын жандандырғандары жөн, деді Қ.Бишімбаев.
Астана. 25 қазан. KazakhstanToday - Ұлттық экономика министрі Қуандық Бишімбаев Үкімет отырысы барысында өӊірлерді дамытудыӊ проблемалық мәселелеріне тоқталды, деп хабарлайды ҚР Ұлттық экономика министрлігініӊ баспасөз қызметі.
Өӊірлер МЖИ шеӊберінде инвестицияларды тарту жұмысын жандандырғандары жөн, деді Қ.Бишімбаев.
"Жергілікті атқарушы органдар 64 проблемалық мәселе енгізді, оныӊ ішінде 27 мәселе республикалық бюджеттен 222,7 млрд. теӊге сомасына қаржыландыруды талап етеді. Проблемалық мәселелердіӊ басым көпшілігі көлік инфрақұрылымы саласына қатысты (78,2 млрд. теӊге). Сондай-ақ өӊірлер инженерлік инфрақұрылымды (49,2 млрд. теӊге), сумен жабдықтауды (38,4 млрд. теӊге), өнеркәсіпті дамытуды (34,2 млрд. теӊге), қоршаған ортаны қорғау және төтенше жағдайларға қарсы іс-қимылды (11,7 млрд. теӊге), білім беруді (9,6 млрд. теӊге), денсаулық сақтауды (1,2 млрд. теӊге), ветеринарияны (0,2 млрд. теӊге) қаржыландыруды сұрайды" - деп хабарлады Бишімбаев.
Көлік инфрақұрылымы бойынша 5 өӊір 78,2 млрд. теӊге сомасына қаржыландыруды қажет ететін проблемалық мәселелерді енгізді. Алматы облысыныӊ әкімдігі еӊ ірі жобаны (Алматы қаласыныӊ 6 көшесін ҮАААЖ-ға кіргізу) ұсынып отыр - ол 59,0 млрд. теӊге. Бұл жобаны "ҮАААЖ-ныӊ құрылысы аяқталғаннан кейін қарауды орынды деп есептейміз. Атырау облысыныӊ әкімдігі 2016-2018 жылдары 11,3 млрд. теӊге сомасына қаржыландыру үшін тағы бір ірі жобаны ("Индер-Қарабау-Миялы-Сағыз" облыстық жолын жөндеу, 123 км) ұсынып отыр. Батыс Қазақстан облысы облыстық жолдарды жөндеуге республикалық бюджеттен жыл сайын 7 млрд. теӊгеден бөлуді сұрайды. Қызылорда облысы әуежайды жаӊғыртуға 0,8 млрд. теӊге сұрап отыр" - деп хабарлады министр.
Инженерлік инфрақұрылым бойынша 5 өӊір 49,2 млрд. теӊге сомасына қаржыландыруды талап ететін жобаларды ұсынып отыр. Еӊ ірі жобалар - Астана қаласында ІІД-ніӊ жеке құрамын орналастыруға арналған объектілерді салу (21,7 млрд. теӊге), Алматы облысы Нұркент жаӊа қаласыныӊ инженерлік инфрақұрылымын салу (11,3 млрд. теӊге), Қызылорда облысыныӊ 3 елді мекенінде газ жүргізу - газ бұру құбыржолдарын, АГТС және орамішілік желілерді салу (11,2 млрд. теӊге).
Сумен жабдықтау бойынша 2 өӊір (Алматы және Батыс Қазақстан облыстары) 38,4 млрд. теӊге сомасына 4 жобаны ұсынуда. Бұл - 126,7 мыӊ га суармалы жерлерді айналымға тарту, Алматы облысында су қоймаларын салу және реконструкциялау және Батыс Қазақстан облысыныӊ ауылдарын сумен жабдықтау бойынша 27 жоба.
Өнеркәсіп саласында Павлодар облысында 34,2 млрд. теӊге сомасына көмірдіӊ циклдық-ағымдық технологиясы бойынша тек бір жоба бар.
Бишімбаев өӊірлер жобаларды қаржыландыру үшін қаражат іздестірудіӊ барлық қолда бар мүмкіндіктерін пайдаланбайтынын атап өтті.
"Өӊірлердіӊ әкімдіктеріне мектепке дейінгі балалар мекемелерін салу, әуежайларды жаӊғырту сияқты жобалар бойынша МЖИ тетіктері шеӊберінде жеке инвестицияларды тарту жұмысын жандандыру қажет деп санаймыз. Жекелеген жобалар бойынша, мысалы өӊіраралық, суару жүйелерін салу, әуежайларды жаӊғырту бойынша қаражатты халықаралық қаржы ұйымдарыныӊ (ХҚҰ) қарыздары есебінен іздестіруді орынды деп есептейміз" - деді министр.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.