"Оңтүстік" ЭЕА қаржы тапшылығынан электр желілерін тарту жұмыстары кешіктіріліп жатыр
"Оңтүстік" ЭЕА қаржы тапшылығынан электр желілерін тарту жұмыстары кешіктіріліп жатыр
Шымкент. 8 сәуір. "Қазақстан Бүгін" - "Оңтүстік" еркін экономикалық аймақта ішкі алаңдар мен онда орнатылатын электр желілерінің қаржылық тапшылық көлемі 3,9 млрд теңгені құрап отырғандықтан, бүгінгі күні желілерді тарту жұмыстары жүргізілмей отыр. Бұл туралы агенттік тілшісіне "Оңтүстік" ЕЭА директоры Сергей Цой хабарлады.
" Oxi textil және "Хлопкопром целлюлоза" екі текстильдік фабриканың құрылысы қарқынды жүріп жатыр, бірақ егер біз алаңдар аралығында электр желілерін, газ , суды уақтылы өткізбейтін болсақ, онда кәсіпкерлер құрал- жабдықтарды орнату жұмыстарына кірісе алмайды ", - деді С. Цой.
"Оңтүстік" ЕЭА директорының айтуынша, биылғы жылы ЕЭП әкімшілігі биылғы жылыжұмыстарды жүргізу үшін бюджеттен қаржыны алған жоқ. Бұдан бұрын хабарланғанындай, "Оңтүстік" ЕЭА электр желілерін тарту жұмыстарың басым бөлігі қаржыландырылғанымен оны аяқтау үшін қаржы қажет. Алаң аралық желілерді тартуға қаржы мүлдем бөлінбеген.
"Кәсіпкерлер "БРК-Лизингтен" лизингтік несие алған. Бұл оңай шаруа емес. Олардың әр қайсысы бір жылдай өздерінің жобаларының жүзеге асыруға мүмкіндігінің барын дәлелдеп, облыс әкімі өзінің қорытындысын берді. Енді олар несиелерін алды, артқа шегінуге жол жоқ, олар бір орынды таптап тұра алмайды, айып пұл, төлемдер алынады. Құрал- жабдықтар да тапсырылды, олар мамыр-маусым айларында жеткізіледі. Су, газ, электр қуатын мейлінше тездетіп өткізу керек", - деп мән жайды түсіндірді С. Цой.
"Оңтүстік" ЕЭА директорының айтуынша "егер сәуір айында үкімет біздер үшін қаржы бөлетін болса, онда олар барлық деңгейден өткізіліп мамыр -маусым айында ғана түседі. Жыл соңына дейін біз алаң аралық желілерді толық тапсыратын боламыз. Мұндай жағдайда қырқүйекке дейін құрылыстары жүргізіліп жатқан фабрикаларды электр қуатымен қамтамасыз етіп, онда құрал- жабдықтарды орнату, іске қосу, құрылыс жұмыстарын жүргізуге мүмкіндік болады " деп есептейді ЕЭА басшысы.
"Кәсіпкерлер біздерге үлкен үміт артып отыр. Қазіргі кезде олар жағдайы жоқ дәрежеде құрылыстарды жүргізуде. Бұл батылдықтың белгілі", -деді С. Цой.
Бұдан бұрын хабарланғанындай, "Оңтүстік" ЕЭА мақта-текстильдік кластерін құру мақсатында 2005 жылы құрылды. ЕЭА аймағында оншақты жіп иіру текстильдік кәсіпорны орналасады деп болжамданған. Бұрын айтылғанындай, бірінші кәсіпорындар 2007 жылы ашылады деп хабарланған алайда жоспар орындалмады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.