Оӊтүстік Қазақстан облысы мен Австрия жаӊартылмалы энергия көздері саласында ынтымақтастық орнатпақ
ЖЭК саласы Австрияда жоғары дамыған, мұны Каринтия Федералды жерініӊ Үкіметініӊ алдағы 19-20 жылда дәстүрлі электроэнергия көздерінен "жасыл" энергетика көздерініӊ пайдасына толығымен бас тарту жоспарлары көрсетіп отыр.
Астана.19 тамыз. Kazakhstan Today - Оӊтүстік Қазақстан облысы делегациясыныӊ Австрияға іскерлік сапары шеӊберінде Оӊтүстік Қазақстан облысыныӊ жаӊартылмалы энергия көздері (бұдан әрі ЖЭК) саласындағы даму әлеуеті таныстырылды. Австриялық инвесторлармен энергетикалық компаниялар өкілдерін біздіӊ өӊірдіӊ климаттық ерекшеліктері мен баламалы энергетиканыӊ барлық түрлерін дамыту мүмкіндігі қызықтырды.
Сондай-ақ, австриялық инвесторлар Қазақстанныӊ "жасыл экономика" тақырыбында ЭКСПО-2017 халықаралық көрмесін өткізу маӊыздылығын атап өтті.
ЖЭК саласы Австрияда жоғары дамыған, мұны Каринтия Федералды жерініӊ Үкіметініӊ алдағы 19-20 жылда дәстүрлі электроэнергия көздерінен "жасыл" энергетика көздерініӊ пайдасына толығымен бас тарту жоспарлары көрсетіп отыр.
Сонымен қатар ОҚО делегациясы жылдық айналымы 11 млрд. АҚШ долларын құрайтын, HELIOVIS заманауи күн электростанциясына барды.
Кәсіпорынныӊ бірегейлігі, электростанцияда күн концентраторыныӊ жаӊа типі HelioTube орнатылғандығы болып табылады. Аталған концентратор типі ресурстар шығынын 55%-ға дейін үнемдеуге мүмкіндік береді, яғни көмірқышқыл газыныӊ шығарылуы қарапайым күн панельдерінен анағұрлым төмен.
Бұл ретте, Оӊтүстік Қазақстан облысында электроэнергияныӊ айтарлықтай жетіспеушілігі туындап отырғандығын атап өтуге болады. Ішкі жүйелер өӊірдіӊ электроэнергия қажеттілігініӊ тек жартысын ғана қамтамасыз етіп отыр. Электроэнергиясыныӊ жетіспеушілігі негізінен жақын өӊірлерден жеткізілу арқылы орны толтырылып отыр.
Электроэнергиясыныӊ жетіспеушілігін жою үшін өӊірдіӊ табиғи әлеуетін, яғни жылына 300 күн шығып тұратын күн шуағын пайдалану жоспарлануда.
Тұтастай алғанда, Оӊтүстік Қазақстан облысында жаӊартылмалы энергия көздерін пайдалану кеӊ айналым алып келеді. Қазіргі таӊда, облыста жаӊартылмалы энергия көздері саласында 27 жоба іске асырылуда, оныӊ ішінде 11 жоба күн электростанцияларыныӊ құрылысына бағытталған.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.