Оӊтүстік Қазақстан облысы Шардара ауданы туризм ошағына айналмақ
Оӊтүстік Қазақстан облысы Шардара ауданы жағажай туризмін дамытуға қолайлы аймақ. Шардара су қоймасы жағалауындағы туризм саласын дамыту бойынша тиісті жұмыстар атқарылуда.
Шымкент. 12 мамыр. Kazakhstan Today - Оӊтүстік Қазақстан облысы Шардара ауданы жағажай туризмін дамытуға қолайлы аймақ. Шардара су қоймасы жағалауындағы туризм саласын дамыту бойынша тиісті жұмыстар атқарылуда. Алдағы уақытта 255 гектар аумақта 60 нысан құрылысы жүргізіледі. Атап айтқанда, қонақ үйлер, яхт клуб, ресторандар, аӊшылар және балықшылар үйі, аквапарк сынды ғимараттар бой көтереді. Бүгін бұл туралы ОҚО өӊірлік коммуникациялар қызметінде өткен брифингте Шардара ауданыныӊ әкімі Болатбек Қыстауов мәлім етті.
Аудан басшысыныӊ айтуынша, туристік аумаққа тартылатын инвестиция көлемі 6,7 млрд. теӊгені құрайды. Аталған жобаға инвесторлар қызығушылық танытуда. Бұл жұмыстар іске асқан жағдайда 1000-нан астам жаӊа жұмыс орны ашылып, бірнеше нысан бой көтеретін болады. Нәтижесінде өӊірге келуші туристердіӊ саны 45 мыӊнан асады деп жоспарлануда.
Бұдан бөлек, Шардара ауданында 19 кәсіпорын жұмыс жасайды. Өткен жылы осы өндіріс орындарында 7844,5 млн. теӊгеніӊ өнімі өндіріліп, 2016 жылмен салыстырғанда 4,7 пайызға артқан. "Индустриялық-инновациялық даму бағдарламасы" аясында осы уақытқа дейін ауданда жалпы құны 1482 млн. теӊгені құрайтын 5 жоба іске асырылды.
"Ағымдағы жылы өнеркәсіп өнімін 8960 млн.теӊгеге жеткізу жоспарланған. "Индустриялық-инновациялық даму бағдарламасы" шеӊберінде ауданға инвестиция тарта отырып, ағымдағы 3 бірдей жобаны іске асыру көзделіп отыр. Олардыӊ қатарында жалпы жобалық құны 200 млн. теӊгені құрайтын өндірістік қуаттылығы 600 тонналық "Байтерек ББМ" ЖШС-ӊ "Балық өӊдеу зауытыныӊ құрылысы" бар. Қазіргі таӊда құрылыс жұмыстарыныӊ 70 пайызы аяқталған. Сондай-ақ, өндірістік қуаттылығы 20 мыӊ тоннаны құрайтын "Ай-Кажы" Ак-алтын" ЖШС-ӊ "Мақта өӊдеу зауытыныӊ құрылысы" жобасы бар. Үшіншісі, "Шардара ГЭС" АҚ-ныӊ қайта жаӊғырту жобасы. Аталған жобаларды іске қосу арқылы 400 адамға жаӊа жұмыс орны ашылады", - деді Болатбек Дүйсенбекұлы.
Сондай-ақ, "Бизнестіӊ жол картасы-2020" кәсіпкерлікті қолдау және дамыту бірыӊғай бағдарламасы аясында ауданда өткен жылы 14 жобаға қолдау көрсетіліп, өӊірлік үйлестіру кеӊесі мақұлдаған.
ОҚО әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.