Оңтүстік Қазақстан облысында биыл бірқатар озық өнеркәсіптік жобалар жүзеге асырылады
Оңтүстік Қазақстан облысында биыл бірқатар озық өнеркәсіптік жобалар жүзеге асырылады
Шымкент. 6-ақпан. "Қазақстан Бүгін" - Оңтүстік Қазақстан облысында биыл бірқатар озық өнеркәсіп жобалары жүзеге асырылады. Соның арқасында экономиканың әртүрлі салаларында 12 мың жұмыс орны құрылмақ. Бұл туралы облыс әкімі Нұрғали Ишімовтың есеп беру баяндамасында көрсетілген. Облыстың басты озық жобасы ретінде "Ириесуй" кен орынын игеру, металлургия зауытын және жылу электр станциясын салу" көрсетілген. Сарапшылар бағалауынша, жобаның жалпы құны 1,3 млрд доллар. Өндіріске шамамен 30 мың адам қатысады. Жоба "Оңтүстік" әлеуметтік-кәсіпкерлік корпорациясымен бірлесе отырып іске асырылатын болады. "Акцияның 60 %-н "Оңтүстік" корпорациясына, қалғанын халыққа беру жөнінде ұсыныс бар", - деді әкім.
Екінші ауқымды жоба "Петро Қазақстан Ойл Продактс" ЖШС өндірісін жөндеуден өткізу". Жобаның шамаланған құны - 450 млн $. Жоба мақсаты - экологиялық таза өнім шығару, жанармайдың Евро-3 стандарты бойынша сапасын арттыру.
"Химфарм" АҚ кәсіпорындарында GMP стандартына сай ампулалы, қатты және галенді дәрі-дәрмек өндіретін жаңа цехтар салу да озықтардың қатарына енгізілген.
Майлы трансформатор шығаруға арналған "гофроқабырғалар" жасау бойынша Кентау трансформатор зауытының жобасы және Шымкентте жылдық қуаты 40 мың тоннаны құрайтын битум зауытын салу жобасы жүзеге асырылуда. Жоба құны - 155 млн теңге.
Сонымен бірге, бұрынғы фосфор зауытының аумағында HILL ЖШС-нің "премиум класс" мотор майларын шығару жобасы жалғасады. 120 жаңа жұмыс орны пайда болады.
Мақта кластері өз дамуын жалғастырады. "Оңтүстік" арнайы экономикалық аймағының аумағында үш инвестициялық жобаны жүзеге асыру мақұлданған: "Хлопкопром-Целлюлоза" ЖШС - гигроскопиялық мақтаны, мақта целлюлозасын және мақта шикізатынан техникалық карбоксиметилцеллюлоза өндіруді жолға қою; "ҚазДемирТекстиль" ЖШС - мақта-мата жібін және түкті өнім түрлерін өндіруді жолға қою; "Oxy-Textile" ЖШС - кешенді автоматтандырылған жіп фабрикасы.
"Orta Asya Textille Sanayi" ЖШС-нің Шымкентте заманауи тоқыма фабрикасын ұйымдастыру жобасы республикалық озық жобалардың тізіміне енгізілген. "Мақта келісімшарты корпорациясы" АҚ "Сортты мақта тұқымын өндіретін зауыт салу" инвестициялық жобасын жүзеге асыруды жоспарлап отыр.
Икімнің айтуынша, экономиканың әртүрлі салаларында биыл жаңадан 11 мың 750 жұмыс орыны ашылады. Н. Ишімовтың пайымдауынша, жаңа өндіріс орындарының салынуы аймақ экономикасын дамудың жаңа, жоғары деңгейіне шығаруға мүмкіндік бермек.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.