Оӊтүстік Қазақстан облысында кәсіпкерлерге көрсетілетін қызмет автоматтандырылады
Шымкент. 23 қазан. Kazakhstan Today - Оӊтүстік Қазақстан облысыныӊ әкімі Жансейіт Түймебаев "Оӊтүстік" кәсіпкерлерге қызмет көрсету орталығын аралап көрді. Сапар барысында өӊір басшысы Орталықтыӊ қызметімен танысып, кәсіпкерлерге "бір терезе" қағидаты бойынша қызмет көрсету бойынша құрылған жүйеге оӊ баға берді, деп хабарлайды Kazakhstan Today облыстық әкімдіктіӊ баспасөз қызметіне сілтеме жасап.
Сапар шеӊберінде кәсіпкерлікті дамыту мәселелері мен мемлекеттік органдармен ықпалдастық барысында кәсіпкерлер тап болатын басты проблемалар туралы талқыланды. Өӊірдегі кәсіпкерлік саласындағы ахуалмен танысқан әкім кәсіпкерлер жиі айтатын әкімшілік кедергілер проблемасына ерекше тоқталып өтті. Бұл проблемаларды жүйелі түрде шешу қажеттігін ескере отырып, әкім оларды өзініӊ айрықша бақылауына алды және мәселелердіӊ шешімін өӊір кәсіпкерлерімен кездесу барысында жан-жақты талқылауды ұсынды.
Сонымен бірге өӊірдіӊ жаӊа басшысы кәсіпкерлерге көрсетілетін қызмет бойынша өтінімніӊ орындалу барысын "онлайн" режимінде бақылап отыруға және құжаттарды дайындаудыӊ түрлі кезеӊдері үшін жауапты тұлғаларды көріп отыруға мүмкіндік беретін электрондық база құруды тапсырды. Бұл жүйе құжаттыӊ дер кезінде орындалмауына автоматты түрде жауап қатып, мерзімді бұзуға жол берген тұлғаларды анықтап отырады. Тұтастай алғанда жүйе кәсіпкерлердіӊ мемлекеттік органға жүгінуі барысында адами факторды алып тастауға және талап етілетін құжаттарды ұсыну мерзімін оӊтайландыруға мүмкіндік тудырады.
"Оӊтүстік" кәсіпкерлерге қызмет көрсету орталығы Оӊтүстік Қазақстан облысыныӊ әкімдігі жанынан 2012 жылы Шымкент қаласында құрылып, кейін оныӊ филиалдары өӊірдіӊ барлық аудандары мен қалаларында ашылған болатын. Орталық ашылған сәттен бері 100 мыӊнан астам кеӊес беріліп, 27 мыӊ адам кәсіпкерлік тақырыбы бойынша дәрістерден өтті, шамамен 10 мыӊ кәсіпкер Кәсіпкерлерге қызмет көрсету орталығыныӊ қолдауымен рұқсаттама құжаттарын рәсімдеді, 3 мыӊнан астам бизнес жоспар жасалды, орталықтыӊ сүйемелдеуімен 3,7 мыӊ жоба 36 млрд.теӊге сомаға қаржыландырылды.
Оӊтүстік Қазақстан облысындағы орталық республика бойынша алғашқылардыӊ бірі болып ашылған үлгілік орталық екенін айта кеткен жөн. Қазір Оӊтүстік Қазақстан облысындағы орталық құру тәжірибесін елдіӊ басқа өӊірлері зерделеп, өз жұмыстарына басшылыққа алуда.
Сондай-ақ, облыс әкімі сапар барысында "Оӊтүстік" өӊірлік инвестициялық орталық" ЖШС мен "Ырыс" микроқаржылық ұйымы" ЖШС іс-қызметімен де танысты.
Бүгінгі жағдаймен "Оӊтүстік" өӊірлік инвестициялық орталық" ЖШС мен "Ырыс" микроқаржылық ұйымы" ЖШС-ніӊ жеӊілдетілген шарттармен несиелендіру және шағын несиелендіруі Оӊтүстік Қазақстан облысында ауылшаруашылығын дамытуда айрықша әлеуметтік-экономикалық маӊызға ие болып отыр. 2009 жылдан бастап 2016 жылдыӊ қыркүйек айы аралығындағы кезеӊде облыс әкімдігініӊ аталған қаржылық институттары 41,6 млрд.теӊге сомаға, оныӊ ішінде 19,4 млрд.теӊгесі облыстық бюджет қаржысынан жасақталған жарғылық капиталдыӊ есебінен шамамен 14 мыӊ жобаны жүзеге асырды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.