Оӊтүстік Қазақстан облысында отандық өнімдер көрмесі өтті
Шымкент. 6 желтоқсан. Kazakhstan Today - Бүгін Оӊтүстік Қазақстан облысы, Отырар ауданында Ел Тәуелсіздігініӊ 25 жылдығына орай "Қазақстанда жасалған" атты көрме өтті,- деп хабарлайды Kazakhstan Today.
Отандық тауар өндірушілердіӊ өнімдері қойылған көрме жергілікті кәсіпкерлер мен тұрғындардыӊ қызығушылығын оятты.
Бұл іс-шара "Отандық өнімді қолдаймыз!" тақырыбындағы жастардыӊ флешмобынан бастау алды. Тәуелсіздік аланнан кейінгі жетістіктерді паш ету, отандық өнім өндіруші шағын және орта бизнес өкілдерін халыққа кеӊінен насихаттау және жергілікті өнімдердіӊ брендін қалыптастыру мақсатында өткен жиынға аудан әкімі Ерлан Айтаханов қатысты. Ол сала өкілдері мен отырарлықтарды мерейлі мерекемен құттықтады.
"Қазақстанда жасалған өнімдер халықтыӊ көз алдында тұруы тиіс. Қолжетімді болғаны жөн. Отандық және ауданымыздыӊ тауар өндірушілерініӊ өнімдері тұрған сөрелерге "Қазақстанда жасалған" деген белгі қойылып отыр. Осылайша, біз жергілікті өнімдерге қолдау көрсетудеміз. Отандық өндірушілердіӊ тауарын сатып алғысы келетін азаматтарға бұл өте қолайлы. Барлық отырарлықтарды қазақстандық тауарларды сатып алуға шақырамын. Осы арқылы ел экономикасыныӊ дамуына үлес қосасыздар",-дедіЕрлан Айтаханов.
Бүгінде Отырар ауданыныӊ шұбаты еліміздіӊ түкпір-түкпіріне сатылымға шығарылуда. Өзге де өнімдер өндірілуде. Көрме барысында ауданныӊ әлеуметтік-экономикалық дамуына үлес қосқан бір топ кәсіпкерлерге аудан әкімініӊ Алғыс хаттары мен бағалы сыйлықтары тапсырылды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.