Оӊтүстік Қазақстан облысында полиэтилен бұйымдарын қайта өӊдейтін зауыт ашылады
Шымкент. 28 қыркүйек. Kazakhstan Today - Бүгін Оӊтүстік Қазақстан облысыныӊ Ордабасы ауданы Бадам ауылындағы "Бадам" индустриялық аймағында полиэтилен бұйымдарын қайта өӊдейтін жаӊа зауыттыӊ іргетасы қаланды. Инвестиция құны 20 млн. АҚШ долларын құрайтын зауыт жылына 50 мыӊ тонна өнім өндіреді деп күтілуде, деп хабарлайды облыс әкімініӊ баспасөз қызметі.
Ірі өндіріс орныныӊ қазығын қағу салтанатты шарасына шетелдік бірқатар ірі компаниялардыӊ өкілдері қатысты.
Еске салайық, бұл жоба осы жылдыӊ 28-29 сәуірінде өткен "Ontustik Invest-2016" халықаралық инвестициялық форумы аясында қол қойылған ынтымақтастық туралы меморандум шеӊберінде жүзеге асып отыр.
Аталған жобаны әлемге танымал шетелдік HONGKONG TIANRUN CO.,LTD ірі өндіріс компаниясы облыс әкімдігімен және Green Technology Industries компаниясымен бірлесе отырып салмақ. Бүгінде бұл компания 70 мемлекетте өндіріс орындарын ашып үлгерген.
Өӊірдіӊ әлеуметтік-экономикасыныӊ дамуына серпіліс беретін зауыт іске қосылған кезде 250 адам жұмыспен қамтылады деп жоспарлануда.
Бұдан бұрын да хабарлағанымыздай, облыстық мәслихаттыӊ сессиясында облыс әкімі атап өткендей, басым бағыттардыӊ бірі - инвестиция тарту болып табылады. Осы мақсатта "Ontustik Invest-2016" халықаралық инвестициялық форумы өткізілді. Еуропа және Азия елдеріне ресми іссапарлар ұйымдастырылуда.
"Бүгінгі таӊға шетелдік инвесторлардыӊ қатысуымен жалпы құны 2 млрд. АҚШ долларынан астам 24 жоба іске асырылуда",- деді Б.Атамқұлов.
Кәсіпкерлікті қолдау мақсатында "Бизнестіӊ жол картасы 2020" бағдарламасымен 6 айда 54 млрд. теӊгеге 117 жоба мақұлданып, 983 жұмыс орны ашылды. Жалпы бағдарлама қатысушылардан бюджетке 6,7 млрд. теӊге салықтар түсіп, өткен жылмен салыстырғанда 409 млн. теӊгеге артты.
"Кәсіпкерлерге қызмет көрсету орталығы" 19 905 кәсіпкерге көмек көрсетті.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.