ШЫМКЕНТ. 13-наурыз. Kazakhstan Today. Оңтүстік Қазақстан облысында су арналарын қалпына келтіру есебінен суармалы ауылшаруашылық жерлердің аумағын өсіру жоспарлануда. Бұл туралы Kazakhstan Today агенттігінің тілшісіне Оңтүстік Қазақстан облысының табиғи ресурстар және табиғатты пайдалану департаментінің су ресурстарын реттеу және қорғау бөлімінің бастығы Ерқуат Байзақов хабарлады.
"Коммуналдық меншіктегі сушаруашылығы нысандарының жұмыс істеу жағдайын қамтамасыз ету" бағдарламасына сәйкес үстіміздегі жылы 19 арна қалпына келтіріледі. Кеше жалпы қаржыландыру сомасы 60 млн теңгені құрайтын сегіз арнаға бірінші тендер өткізілді. Жарты айдан кейін тазарту жұмыстары басталады",-деді Е. Байзақов. "Ірі шаруашылықаралық арналарды тазарту нәтижесінде 10 мың гектар жерді сумен қамтамасыз етуді жақсарту және 2 мыңнан астам гектар жерді ауылшаруашылық айналымына тарту, сондай-ақ 120 шақырым арнаның су өткізу мүмкіндігі жақсарады деп күтілуде",- деп қосты бөлім бастығы.
Е. Байзақовтың сөздеріне сүйенсек, 2007 жылы бұл бағдарламаны орындауға барлығы 110 млн теңге бөлінген.
Табиғи ресурстар мен табиғатты пайдалану департаментінің мәліметтеріне сүйенсек, Оңтүстік Қазақстан облысында ұзындығы 11 мың шақырымнан асатын, 500 мың гектардан астам ауылшаруашылық жерді сумен қамтамасыз ететін Қазақстандағы ең ауқымды суғару желісі бар. Арналардың жартысынан астамы жеке меншікте. Республикалық және коммуналдық меншікте тек қана ірі магистральді, шаруашылықаралық суғару арналары ғана бар.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Оңтүстік Қазақстан облысында су арналарын қалпына келтіру есебінен ауылшаруашылығына арналған суармалы жердің аумағы өседі
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.