"ҚАЗАҚСТАН БҮГІН". 12 қыркүйек. ШЫМКЕНТ. Оңтүстік Қазақстан облысының билік өкілдері "Оңтүстік" арнайы экономикалық аймақтың жұмыс істеу мерзімін 2030 жылға дейін ұзартуды сұрайды, деп хабарлайды "ҚАЗАҚСТАН БҮГІН" агенттігінің тілшісі.
"Біз арнайы экономикалық аймақтың жұмыс істеу мерзімін 25 жылға дейін ұзартуды және мамандандыру мүмкіндігін кеңейтуді сұраймыз",- деді Оңтүстік Қазақстан облысы әкімінің орынбасары Арман Жетпісбаев бейсенбіде облыстық әкімшілікте өткен жиналыс барысында вице-премьер Өмірзақ Шүкеевке қаратып айтқан сөзінде. "Біз тоқыма өндірісінен басқа да, минералдық тыңайтқыштар, синтетикаліқ жуғыш заттар өндіру, жеміс-көкөністерді қайта өңдеу сияқты іс-қызметтің қосымша түрлеріне рұқсат берулеріңізді сұраймыз",- деп нақтылады әкімнің орынбасары.
Бүгінде арнайы экономикалық аймақтың жұмыс істеу мерзімі 2015 жылдың 1-шілдесіне дейін белгіленген.
Кеше аймаққа келген вице-премьер облыс белсенділеріне "Оңтүстік" әлеуметтік-кәсіпкерлік корпорациясының бастығы Асқар Мырзахметовты таныстырған. Үш облысты - Оңтүстік Қазақстан, Қызылорда мен Жамбыл облыстарын біріктіретін әлеуметтік-кәсіпкерлік корпорацияны құрудың мақсаты мен міндеттерін талқылау барысында Оңтүістік Қазақстан облысында "Оңтүстік" әлеуметтік-кәсіпкерлік корпорациясының өзі аттас арнайы экономикалық аймақпен ынтымақтастығы ең тиімді жол екендігі туралы пікірлер айтылды.
Ө. Шүкеев жиналғандарға "Оңтүстік" әлеуметтік-кәсіпкерлік корпорациясының құрылымы мен функциясын түсіндіре отырып, былай деп атап көрсетті: "премьер әлеуметтік-кәсіпкерлік корпорацияны мемлекет пен жеке бизнестің күшін біріктіру үшін құруды ұсынды. Илеуметтік-кәсіпкерлік корпорация үкімет пен бизнес арасындағы байланыстырушы буын. Қазір екі ай ішінде алдағы екі-үш жылға арналған жобалар жиналатын болады. Илеуметтік-кәсіпкерлік корпорацияның басшысымен тығыз жұмыс істеп, өз жобаларыңызды ұсынуларыңыз қажет".
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
Оңтүстік Қазақстан облысының билік өкілдері "Оңтүстік" арнайы экономикалық аймақтың жұмыс істеу мерзімін 2030 жылға дейін ұзартуды сұрайды
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.