28.09.2016, 07:58 3379

Оӊтүстік Қазақстан облысыныӊ Түлкібас ауданында алма бақтарыныӊ аумағы 3115 гектарды құрап отыр

Өткен жылы 9 мыӊ 800 тонна алма жинаған шаруалар бүгінгі күнге дейін 12 мыӊ 500 тонна алма теріп үлгерді. Алдағы күндері шаруалар тағы 15 мыӊ тонна алма жинауды жоспарлап отыр, деп хабарлайды Түлкібас ауданы әкімініӊ баспасөз қызметі.

Шымкент. 28 қыркүйек. Kazakhstan Today - Биылғы жыл Түлкібастық алма еккен бағбаншылар үшін қолайлы жыл болмақ. Өнімді артығымен жинаған бағбандар табысқа кенелуде. Өткен жылы 9 мыӊ 800 тонна алма жинаған шаруалар бүгінгі күнге дейін 12 мыӊ 500 тонна алма теріп үлгерді. Алдағы күндері шаруалар тағы 15 мыӊ тонна алма жинауды жоспарлап отыр, деп хабарлайды Түлкібас ауданы әкімініӊ баспасөз қызметі.

Алма бауларынан молынан өнім алған "Көк тал" шаруа қожалығы мен "Кентау" ЖШС-ін айрықша айтуға болады. Өйткені шаруашылықтар бақ өсіруде алдыӊғы қатарлы елдердіӊ, оныӊ ішінде Түркия, Польша мемлекеттерініӊ соӊғы үлгідегі озық тәжірибелерін пайдаланып, сол елдіӊ мамандарын шақырып, үйренді. Соныӊ арқасында 230 га алма бауы бар "Көктал" шаруашылығы биыл 5 мыӊ тонна алма жинауды межелеп отыр.

Осылайша, Түлкібас ауданын жеміс-жидекті аймаққа айналдыру туралы бастамаға орай ауданда көптеген жұмыстар атқарылуда. Алма егуге ниет білдірген ауыл шаруашылығы тауарын өндірушілерге қосымша жер телімдері беріліп, алма баулар көлемі ұлғайтылды.

Бүгінгі таӊда ауданда өсіріліп жатқан барлық алма ағаштарыныӊ көлемі 3115 гектарды құрап отыр.

Бұдан бұрын да хабарлағанымыздай, Оӊтүстік Қазақстан облысында ауыл шаруашылығын қолдауға жалпы 29 млрд. теӊге бағытталып отыр. Бұл туралы Оӊтүстік Қазақстан облыстық мәслихатыныӊ кезектен тыс төртінші сессиясында облыс әкімі Бейбіт Атамқұлов мәлім етті.

Облыстыӊ экономикалық көрсеткіштеріне тоқталған әкімніӊ хабарлауынша, бүгінде, облыста 7 индустриялық аймақ табысты жұмыс істеуде (Шымкент, Кентау, Түркістан, Созақ, Түлкібас, Мақтаарал, Казығұрт). Сонымен қатар, 4 индустриялық аймақтыӊ инфрақұрылымдарыныӊ құрылысы жүргізілуде.

"Жалпы индустриялық аймақтарда 52 жоба іске асырылып, 4 025 жұмыс орны құрылды.

"Индустриялық -инновациалық даму" бағдарламасы аясында 27 млрд. теӊгеге 16 жобаны іске қосып, 845 жұмыс орнын құру жоспарланса, жыл басынан 2 жоба іске қосылып, 74 жұмыс орны ашылды. Атап айтсақ, "Шымкентмай" АҚ -өсімдік май өндірісін ұлғайту жобасына 1,9 млрд. теӊге жұмсалып, 26 жұмыс орны ашылса, "Lotus Food Company LLC" ЖШС - тез даярланатын азық-түлік әзірлеу жобасына 471 млн. теӊге жұмсалып, 48 жұмыс орны ашылды,- деді өӊір басшысы.

Облыс әкімініӊ ортаға салған мәліметіне сәйкес, "Индустриялық -инновациалық даму" бағдарламасы аясында бюджетке түскен салықтардыӊ көлемі өткен жылмен салыстырғанда 804 млн. теӊгеге артып, 5,4 млрд. теӊгені құрады.

"6 айда өнеркәсіп кәсіпорындары 384 млрд. теӊгеніӊ өнімін өндіріп, 5,3% артты. Өсім бойынша облыс республикада алдыӊғы қатарда",- деді ол.

Бұдан әрі облыс әкімі ауылшаруашылығыныӊ жай-күйіне тоқталды.

"Өӊіріміздіӊ аграрлы екенін ескере отырып, ауыл шаруашылығыныӊ дамуына ерекше назар аударылуда. Саланы қолдауға жалпы 29 млрд. теӊге бағытталып отыр. Егіс көлемін ұлғайту, иесіз жерлерді игеру, заманауи технологиямен тамшылатып суғару әдісін кеӊінен енгізу, жылыжай және қарқынды бау құрылыстары,мал басын асылдандыру бойынша жұмыстар жүргізілуде,- деді облыс басшысы.

Оныӊ айтуынша, бірінші жартыжылдықтыӊ қорытындысымен ауыл шаруашылығы жалпы өнім көлемі 123 млрд.теӊгені құрап, 2% артты.

Егіс көлемі өткен жылдан 13 мыӊ гектарға артып, 788 мыӊ гектарды құрады. Суармалы 466 мыӊ гектар жердіӊ 93% игерілуде (434 мыӊ га).

"Ағымдағы жылы дәндік жүгеріден 108,4мыӊ тонна, көкөністен 811мыӊ тонна, бақшадан 1 252 мыӊ тонна, картоптан 195 мыӊ тонна, масақты дақылдардан 470 мыӊ тонна өнім жиналды.

Алғаш рет бидайдыӊ орташа өнімділігі 22 центнерді құрап (2015 ж. - 17,8 ц/га), рекордтық өнім алынды. Тамшылатып суғару әдісі қосымша 6000 жуық гектарға ендіріліп, жалпы көлемі 49,7 мыӊ гектарға жетті (Республикадағы үлесі 73%). Жылыжайлар қосымша 72 гектарға салынып, жалпы 1 098 гектарға жетті (Республикадағы үлесі 87%). Осы жылыжайлардан 80 мыӊ тонна көкөніс өнімдері жиналды. Тереӊ қопсыту технологиясы 89 мыӊ гектарға енгізілді,- деді ОҚО әкімі.

Жыл басынан фермерлерге "Ырыс" қаржыландыру ұйымы арқылы төменгі пайызбен 486 жобаны қаржыландырылуға 1,2 млрд. теӊге көлемінде несие берілді.

"Сыбаға", "Алтын асық", "Құлан" бағдарламаларымен 35 мыӊнан аса мал басы сатып алынды.

4000 астам ұсақ шаруаылықтарды біріктіретін 47 кооперативтер құрылып, 9 МТС ашылды.

Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны