Оралда кәсіпкерлерге қызмет көрсетудің жаңа жобасы ашылды
Оралда қала әкімдігі жанындағы Кәсіпкерлер кеңесінің бастамасымен шағын және орта бизнес субъектілеріне жер телімдерін беру кезінде әкімшілік кедергілерді азайту мен жою бойынша жаңа қанатқақты жоба іске қосылды.
Алматы. 5 ақпан. Kazakhstan today. Оралда қала әкімдігі жанындағы Кәсіпкерлер кеңесінің бастамасымен шағын және орта бизнес субъектілеріне жер телімдерін беру кезінде әкімшілік кедергілерді азайту мен жою бойынша жаңа қанатқақты жоба іске қосылды.
Батыс Қазақстан облысы ішкі саясат басқармасының хабарлауынша, жоба аясында 4 ақпаннан бастап әр сейсенбі сайын "Даму" КҚҚ өңірлік бөлімшесінің кәсіпкерлерге қызмет көрсету орталығында "бір терезе" ұстанымымен жеке және заңды тұлғалардың өтінішіне 12 мемлекеттік органдар мамандарының бірыңғай келісім беруі жүргізіледі.
Аталмыш жобаның жүзеге асырылуы әкімдіктің құрылымдық бөлімдеріне келіп түскен өтініштердің терең сараптамасы мен мемлекеттік қызмет көрсету процедурасына негізделген. Байқағанымыздай, бәрінен бұрын олардың көбі жер бөліміне бағытталған және құзіретті органның келісімін алуды көздейді. Аталмыш қызмет түрі Оралдағы кәсіпкерліктің дамуына кедергісін келтіріп тұрған процедураның бірі.
Орал қаласы әкімі Алтай Күлгіновтың шешімін нақтылау үшін "Даму" КҚҚ өңірлік бөлімшесінің директоры Илия Салиева мен БҚО кәсіпкерлер палатасы директорының міндетін атқарушы Нұрлан Кайыршин таныстырылған жобаны жүзеге асыруда әріптестік құру туралы меморандумға қол қойды.
Естеріңізге сала кетейік, "Қазақстандық жол-2050": Бір мақсат, бір мүдде, бір болашақ" Қазақстан халқына Жолдауында Мемлекет басшысы Нұрсұлтан Назарбаев кәсіпкерлерге қолдау көрсету керектігін баса айтты. Оның айтуынша, мемлекет жұмысының негізі қазақстандық бизнеске, соның ішінде шағын және орта кәсіпкерліктің дамуына елімізде қолайлы жағдай қалыптастыру.
"Қазақстанның ХХI ғасырда индустриялық және әлеуметтік дамуының басты құралы шағын және орта бизнесті дамыту. Менің бұл ұстанымым баршаңызға белгілі және бұл туралы мен әрқашан айтып жүремін. Егер, біздің экономикамызда шағын және орта бизнестің үлесі артатын болса, Қазақстанның дамуы тұрақты болады. Бізде 800 мыңнан астам шағын және орта бизнес субъектілері жұмыс істесе, оларды 2,4 миллион қазақстандық нәпақасын табуда. Жаһандық рейтингке сәйкес Қазақстан бизнес үшін қолайлы мемлекеттер қатарына кіреді және осы тенденцияны біз одан әрі өсіруіміз керек. Шағын және орта бизнес біздің қоғамның жалпы еңбегінің берік экономикалық негізі", - деп ҚР Президенті Н.Назарбаев атап өтті.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.