ШЫМКЕНТ. 1 - маусым. Kazakhstan Today. Орта Азия елдері жеміс-көкөніс өнімдерін өсіру, өңдеу және экспорттау мәселелері бойынша өзара тығыз ықпалдасуы керек. Бұл туралы бүгін KAZAGROFOOD - 2007 Орта Азия жеміс-көкөніс өнімдерінің форумында сөз сөйлеген Қазақстанның ауылшаруашылық министрі Ахметжан Есімов мәлім етті, деп хабарлайды Kazakhstan Today агенттігінің тілшісі.
"Біздің аймақтағы әрбір ел өнімді сататын нарықты жеке-дара іздейді, дегенмен күшімізді біріктіре отырып, одан да пайдалы жолдарды табуға болар еді",- деді А. Есімов. Ол әзірге республикалардың арасындағы сауда-саттық көлемі көңіл көншітпейтіндігін атап өтті. Атап айтқанда, министрдің мәліметтеріне сүйенсек, Қазақстанға Өзбекстаннан тасымалданатын көкөністер мен жемістердің үлесі небәрі 8,2 пайызды құрайды.
Сонымен қатар А. Есімов, жеміс-жидектер мен көкөніс өнімдерін өз елімізде өндіру көлемін арттыру қажет екендігін атап өтті. "Қазақстан - азық-түліктің барлық түрлерімен өзін-өзі қамсыздандыра алатын ел, бірақ біз өзімізді ерте көктейтін көкөністермен қамтамасыз етпейміз", - деп түсіндірді ол.
Ауылшаруашылық министрінің айтуынша, үстіміздегі жылы алғаш рет үкімет бағдарламасы аясында алғаш рет жүзімдіктер мен жеміс және көкөністер өсіретін плантацияларға субсидия бөлініп отыр. "Біз бұл дақылдарды отырғызып өсіруге деген қызығушылықты көріп отырмыз, сондықтан да бағдарлама бұл салалардың тиімді дамуы үшін, сонымен қатар, жеміс-жидек және көкөніс өнімдерін өңдеу үшін одан әрі жалғасын табады", - деп қорытындылады А. Есімов.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орта Азия елдері жеміс-көкөніс өнімдерін өсіру, өңдеу және экспорттау мәселелері бойынша өзара тығыз ықпалдасуы керек
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.