АЛМАТЫ. 15-желтоқсан. Kazakhstan Today. Бүгін Орталық Азия бизнес қоғамдастығының өкілдері "дөңгелек үстел" барысында Орталық Азияның көлік дәліздері мониторингінің қорытындысын, сонымен қатар теміржол тасымалының даму келешегі мен өзекті мәселелерін талқылады деп хабарлайды Kazakhstan Today тілшісі.
Қазақстан, Қырғызстан және Тәжікстанның бизнес қоғамдастықтарының өкілдері Орталық Азиядағы сауда және көлік дәліздерінің 2006 жылғы жұмыс нәтижелерін бағалау жөніндегі зерттеу қорытындысын ортаға салды. "Дөңгелек үстелге" қатысушылардың ақпараттарына сүйенсек, зерттеу Орталық Азия мен Ресей бизнес-қауцымдастығы конгрессінің іс-шаралар жоспары аясындағы Орта Азиялық ассоциациялар тарапынан жүргізілген.
Іс-шараға қатысушылардың пікірінше зерттеуді жүзеге асыру аймақтағы көлік ағындарының қозғалысына кедергі келтіретін өзекті мәселелерді анықтауға мүмкіндік туғызды. Исіресе, ҚР кәсіпкерлер форумының (ҚКФ) алматылық кеңсесінің директоры Мунавара Палташеваның сөзінше "ең өзекті мәселенің бірі - еліміздің барлық бақылау-қадағалау органдарының кеден органдарының қанатының астында отыруы" болып отыр. Бұл өз кезегінде кеден бекеттерінде ұзақ бөгелуге әкеп соқтырады. Оны кәсіпкерлер кеденшілердің тексеруі деп қабылдайды.
Қазақстан кәсіпкерлер форумының ақпаратына сүйенсек, кәсіпкерлер Орта Азия аймақтарындағы теміржол тасымалының өзекті мәселелерін анықтау бойынша ұқсас зерттеулер жүргізуді өтінген. Осыған байланысты форум мұндай зерттеуді келесі жылы да өткізуді жоспарлап отыр.
"Теміржол тасымалына байланысты өзекті мәселелер бізде "шаш етектен", - деді Қазақстан кәсіпкерлер форумының атқарушы директоры София Айсағалиева. "Бұл тек теміржолда жұмыс атқаратын құрылымдармен ғана емес, мемлекеттік органдармен, кеден және шекара қызметтерімен де өзара ықпалдастық мәселері. Қазір қызу талқыланып жатқан шойын жолдың енінің әртүрлілігі жөніндегі мәселе де бар", - деді ол.
"Дөңгелек үстелге" қатысушылардың ақпараттары бойынша зерттеу нәтижелері келісімге сәйкес ЕурАзЭҚ-қа жіберіледі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Орталық Азия бизнес қоғамдастығының өкілдері аймақтағы автокөлік және теміржол тасымалы мәселелерін талқылады
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.